ସ୍ମୃତି ଓ ପ୍ରଶ୍ନ

ସ୍ମୃତି ସବୁ ଥାଏ ଗନ୍ତାଘର ଭଳି

ଅନୁଭୂତି ରହେ କିଛି ସ୍ମୃତି,

ସ୍ମୃତି କିଛି ବିଶ୍ୱାସ ର ଘର ଲାଗେ

ମାୟା ଭଳି ଲାଗେ ପରା ସ୍ମୃତି ।୧।

ସ୍ମୃତି ଗଭୀରତା ସମ୍ପର୍କର ଡାଳେ,

ସ୍ମୃତି ଅଟେ ଭାବନାର ଖିଅ,

ମନର ମାୟାରେ ସ୍ନେହ ଡୋରୀ ସବୁ

ସ୍ମୃତି ରେ ବଞ୍ଚିବା ରହେ ଲୟ ।୨।

ପ୍ରଶ୍ନ ମାଳା ସାଥେ ସ୍ମୃତି ର ବଳୟ

ମହକଇ ଯାଏ ପୂର୍ବ କଥା,

କିଏସେ ଜାଣିଛି କେଉଁ ରୂପେ ଅବା

ନିଜ ଦୁଃଖ ର ଏ ନାଶେ ବ୍ୟଥା ।୩।

ଅବାନ୍ତର ପ୍ରଶ୍ନ ଉଠେ ମନେ ଯେବେ

ଅତୀତ ର କଥା ମନେ ଜାଗେ ,

କେମିତି କାହାର ଜୀବନ ବିତୁଛି

କିଏସେ ଯାଉଛି କେଉଁ ଧାଗେ ।୪।

ଆଖିର ଝଲକେ ସ୍ମୃତି ରହିଥାଏ

ରହି ରହି ସବୁ ମନେ ପଡେ ,

ମାନସ ପଟରୁ ହଟିଯାଏ ନାହିଁ

ଦୁଃଖ ରେ ସତେକି ଭାଙ୍ଗି ପଡେ ।୫।

ପ୍ରଶ୍ନ ସବୁ ଖାଲି ଅତୀତରେ ଥାଏ

ଇଛା ସବୁ ହୁଏ ପ୍ରତାରଣା ,

ସଂସାର ରେ ସିନା ବଞ୍ଚିବାକୁ ପଡେ

ସ୍ମୃତି ଲାଗି ହୁଏ ବାଟ ବଣା ।୬।