ସମ୍ପର୍କର ଶେଷ ପ୍ରଶ୍ନ

ସମ୍ପର୍କରେ ପ୍ରଶ୍ନ

ନିଜକୁ ପଚାରେନି କେହି,

ପୁଣି ପ୍ରଶ୍ନ କଣ କେବେ ଶେଷ ହୁଏ

ସବୁ ସମ୍ପର୍କ ଅଜାଣତେ ଗଢିଉଠେ ,

ଭାଙ୍ଗି ଗଲେ ପ୍ରଶ୍ନ ଉଠେ ,

ବୋଧହୁଏ ସେଇଟା ହିଁ ଶେଷ ପ୍ରଶ୍ନ ଥାଏ ।

ସମ୍ପର୍କ ଏକ ଡାଏରୀ ,

ଶେଷ ପୃଷ୍ଠା ଲେଖା ହେଲେ ବି

ସମ୍ପର୍କ ସରେନି,

ସମ୍ପର୍କ ତ ରଫ୍ ଖାତା ଭଳି

ସବୁ ପୃଷ୍ଠାରେ ମିଶା ଗୋଳା

ଫେଣ୍ଟା ଫେଣ୍ଟି ଅନେକ ଅତୀତ ,

ବିଶ୍ୱାସରେ ଅଟକି ଥାଏ ସମ୍ପର୍କ ,

ପ୍ରଶ୍ନ ଉଠିଲେ ସମ୍ପର୍କ ଦୋହଲି ଯାଏ ।

 

ଫୁଲ ପତ୍ର ଡାଳ ସହ ଗଛର ସମ୍ପର୍କ

କାକର ବିନ୍ଦୁ ସହ ଘାସର ସମ୍ପର୍କ

ଋତୁଆସିଲେ କଅଁଳିଆ ପତ୍ର ଭିତରେ

ଗଛ ସହ ପତ୍ର ର ନୂଆ ନୂଆ ଭାବ,

ଖରାହେଲେ କାକରବିନ୍ଦୁ ନଥାଏ ,

ହେଲେ ଡାଳ ଭାଙ୍ଗି ଗଲେ

ପତ୍ର ଝଡିପଡେ ,ଏକ ଶୂନ୍ୟତାକୁ ଆବୋରୀ

ପତ୍ରସବୁର ସମ୍ପର୍କ

 ଶେଷ ହୁଏ ,

ପତ୍ର ପଚାରେ ଶେଷ ପ୍ରଶ୍ନ

"ଭୂଲ୍ କାହାର" ।