ତମ ପ୍ରଶ୍ନ ରେ ନିରୁତ୍ତର

ଅବଶ ଆଖିରେ ଅନେକ କଥା ଯେ

ଉତ୍ତର ମିଳେନି ମତେ

କେମିତି କହିବି କି ଉତ୍ତର ଦେବି

ନିରୁତ୍ତର ହେଲି ସତେ ।

ତୁମ ପ୍ରଶ୍ନ ବାଣ ଅତୀବ କଠୋର

ଜ୍ଞାନ ଘର ମୋର ଶୂନ୍ୟ

ଆଜି ବି କହୁଛି ବିଚାର ଆମର

ନଥିଲା ସତରେ ଅନ୍ୟ ।

ଜୀବନର ପ୍ରଶ୍ନ ଏଯାଏଁ ସରିନି

ଶୂନ୍ୟ ସ୍ଥାନ ଅଛି ମନେ

ସମାଧାନ ନାହିଁ ଯୁଗଯୁଗଧରି

କରୁଣା ଅଛି ସପନେ !

ତୁମ ଆଖିର ସେ ଅନେକ ଇସାରା

ସ୍ମୃତି ହୋଇ ରହିଗଲା,

ତଥାପି ଜାଣିକି ପ୍ରଶ୍ନ ଉଠେଇନ

ମନ ତୁମ ଭରିଗଲା ।

ମନକୁ ଲୁଚାଇ ସପନ ଚୋରାଇ

ଆଖି କିଆଁ ଓଦାକର

ଭୂଲିଯାଅ ପ୍ରଶ୍ନ ,ପଚାରିବ କିଛି

ରହିବି ମୁଁ ନିରୁତ୍ତର ।