ଏଇତ ଜୀବନ

ଯେତେଟି ଫଗୁଣ ବିତିଗଲା ହିସାବ ରଖିଚି,     

ନୂତନ ଫଗୁଣର ଅପେକ୍ଷା ବି କରିଛି

ଅତୀତର କିଛି ଅଭୁଲା ସ୍ମୃତି ସାଉଁଟି 

ମନ ଆଲବମ୍ ରେ ସଜେଇ ରଖିଛି।

ବିଗତ ଦିନମାନଙ୍କର ଘଟଣ-ଅଘଟଣ 

ବର୍ତ୍ତମାନ ବସି ରୋମନ୍ଥନ କରୁଛି

ନୂଆଁ ଦୁନିଆରେ ଘର ସଂସାର କରି,

ଜୀବନ ଯାତ୍ରା ଆରମ୍ଭ କରିଛି

ଜୀବନ ଯମୁନା ନଦୀ କୂଳରେ ବସି

କୂଳ ଲଂଙ୍ଘିବାର ସ୍ୱପ୍ନ ଦେଖୁଛି।

କେତେ ଯେ ବନ୍ୟା ଏ ନଦୀରେ,

କୂଳ ଖାଇଯିବାର ଆଶଂକା ଅଛି

ଅନିଶ୍ଚିତତାକୁ ମନରୁ ଦୁରେଇ,

ନଦୀର ଭଉଁରୀ ରେ ପହଁରା ସିଖୁଛି।।