ଏଇ ଭାରତ ବର୍ଷରେ

ଦିନେ ଏଇ ଜମ୍ଵୁଦ୍ବୀପ,

କହୁଥିଲା କଥା ଭାରତ ମାତାର

ଉତ୍କଳ ଦେଶ ବୀରତ୍ଵ

ଗଙ୍ଗାଠାରୁ ଗୋଦାବରୀ ପର୍ଯ୍ୟନ୍ତ

ବିସ୍ତୃତ ଶାସନ କ୍ଷେତ୍ର  

ଦିନେ ଏଇ ଜମ୍ଵୁଦ୍ବୀପ ।

ଏଇ ଭାରତ ବର୍ଷରେ 

ଶାସନ କରିଲା ଫିରିଙ୍ଗି ଶାସକ

ଏଇ କଳିଙ୍ଗରୁ ଶେଷରେ

ପାଇକ ସୈନିକ ଆତ୍ମବଳି ଦେଖି

ନିର୍ବାକ ହୋଇଲା ଏଠାରେ 

ଏଇ ଭାରତ ବର୍ଷରେ ।

ନେତାଜୀ ସୁବାଷ ଓଡିଶା ଦେଶର

(ପ୍ରଥମେ) ତ୍ରିରଙ୍ଗା ଉଡାଇ ଥିଲାରେ

ଜୟୀ ରାଜଗୁରୁ ଚକରା ବିଶୋଇ

ବାଜି ରାଉତଙ୍କ ରକ୍ତରେ 

ଏଇ ଭାରତ ବର୍ଷରେ ।

ହୃତ୍ କମ୍ପିତ ହେଲା ଆଜାଦ୍ ହିନ୍ଦ୍ ର 

ସେ ଫଉଜଙ୍କ ଡାକରାରେ

ଥରିଲା ଭାରତେ ଗୋରା ପଲଟଣ

ଓଡିଆଙ୍କ ଅଟ୍ଟହାସ୍ୟରେ

ଏଇ ଭାରତ ବର୍ଷରେ ।

ଗୋରା ସରକାର ବୁଦ୍ଧିବଣା ହେଲା

ରାତି ରାତି ଛାଡି ଗଲାରେ

ଉଡିଲା ତ୍ରିରଙ୍ଗା ଜାତୀୟ ନିଶାଣ

ସ୍ଵାଧୀନ ଭାରତ ଦେଶରେ 

ଏଇ ଭାରତ ବର୍ଷରେ ।

ମୋହନ ଦାସର ଟୋପା ଟୋପା ରକ୍ତ

ଗୋପବନ୍ଧୁ ହାଡ ମାଂସରେ

ସ୍ଵରାଜ୍ୟ ଆସିଲା ଭାରତେ ଉତ୍କଳ

ସବୁଦିନ ଥିଲା ଥିବରେ

ଏଇ ଭାରତ ବର୍ଷରେ ।

ଏଇ ଭାରତର ମହାନ ସଂସ୍କୃତି

ମହାନ ୟା ପରମ୍ପରାରେ

କହି ଯାଇଛନ୍ତି ସ୍ଵାଧୀନତା ମନ୍ତ୍ର

ଅହିଂସା ଆମର ଧର୍ମରେ

ଏଇ ଭାରତ ବର୍ଷରେ ।

ଜମ୍ଵୁଦ୍ବୀପ ଏହି ଭ୍ରଥ ଖଣ୍ଡ ଏଇ

ଜାଜ୍ଜ୍ୱଲ୍ୟମାନ ତା' ବେଶରେ

ଗୁରୁ ପରମ୍ପରା ଗୁରୁର ଦେଶ ୟେ

ବିଦ୍ୟମାନ ଧାତ୍ରୀ କୋଳରେ

ଏଇ ଭାରତ ବର୍ଷରେ ।

ସୁଜଳା ସୁଫଳା ଶ୍ୟାମ ରଙ୍ଗ ଧାରା

ଭାରତର ପ୍ରତିଛବିରେ

ଗଙ୍ଗା ଗୋଦାବରୀ ହିମାଳୟ ଗିରି

ଠିଆ ହୋଇଅଛି ଗର୍ବରେ

ଏଇ ଭାରତ ବର୍ଷରେ ।

ଆସ ଉଡାଇବା ତ୍ରିରଙ୍ଗା ପତାକା

ସବୁଘରେ ପଲ୍ଲୀ,ସହରେ

ସଗର୍ବେ ଗାଇବା ଜାତୀୟ ସଂଗୀତ

ସର୍ବେ ମିଶି ଏକ ସ୍ଵରରେ

ଏଇ ମୋ ଭାରତ ବର୍ଷରେ ।