ଏବେ ମୁଁ ତୁମ ପ୍ରେମରେ

ହୁଏତ ତୁମେ ଭୁଲି ଯାଇଥିବ

ମୋର କିନ୍ତୁ ମନେ ଅଛି

ତୁମଙ୍କୁ ଦେଖି

ମୋ କଲମ 

ତତ୍ କାଳ କେତେ କଣ ଲେଖିଯାଏ

ଏମିତି କରିବାକୁ ତୁମେ ନୀରବରେ

ମୋତେ ଉସ୍କାଅ

ମୋତେ ଆଗକୁ ବଢିବାକୁ

ପରୋକ୍ଷରେ ପ୍ରେରଣାର ଉତ୍ସ ହୁଅ

ମୋ ସହ ମୋ ଭାବକୁ ନେଇ ଭାସେ

ଭସାଇ ନିଏ କାହିଁ 

ମାଟିରୁ ଆକାଶ

ଇନ୍ଦ୍ରଧନୁରୁ

ପ୍ରଜାପତି ଯାଏ ।

ଇଙ୍ଗିଲିସ ମୋର

ସର୍ବକାଳୀନ ବନ୍ଧୁ

ତୁମର ଇଙ୍ଗିଲିସ ଅନର୍ସ

ଜାଣିଲା ପରେ

ମୋ ଆତ୍ମୀୟତା

ମେଘ ସେପାଖେ ଉଡିଲେ

ନଇଁ ପଡିଲା

ମୋ ମନ ଆତ୍ମା

ତୁମରି ପାଦ ତଳେ

ମୋ ଅଜାଣତେ

ମନ ପକ୍ଷୀ ମୋର

ତୁମ ପଞ୍ଜୁରୀ ରେ

ବସା କରି ରହିଗଲା ।

ବ୍ୟକ୍ତିଗତ ଭାବେ

ତୁମେ ବିଲକୁଲ୍ ଅଚିହ୍ନା

କିନ୍ତୁ ଜଣା

ତୁମେ ଗୋଟେ ପ୍ରେମର ବଳୟ

ମୋ ଚାରି ପାଖର

ମୁଁ ଆମୋଦିତ

ଉଲ୍ଲସିତ ହୁଏ 

ତୁମକୁ ଦେଖିଦେବା ମାତ୍ରେ

ସାଙ୍ଗ ମାନେ କୁହନ୍ତି 

ମୁଁ କାଳେ ତୁମକୁ ପ୍ରେମ କରେ

ସତରେ ମୋର ଅନୁଭବ ହୁଏ

ଏବେ ମୁଁ ତୁମ ପ୍ରେମରେ ।