ଅଲୋଡ଼ା ପ୍ରେମ

ଉତ୍କଣ୍ଠା ତୁମ ଖୁସିରେ

ଜାଣତରେ କେବେଠୁ ଦେଖୁଛି 

ଆଜି ବି ଈର୍ଷା 

କୋଣ ଅନୁକୋଣରେ

ମନରେ ଥିବା ଶୂନ୍ୟସ୍ଥାନକୁ

ପୂରଣ କରିବା ପାଇଁ ସିନା ପ୍ରୟାସ ମୁଁ କରେ

ତୁମ ପ୍ରେମର ବହ୍ନି 

ଖାଲି ମତେ ହିଁ ଜଳାଏ 

ପୋଡ଼ି ପାଉଁଶ ହେବା ପର୍ଯ୍ୟନ୍ତ, 

ଯେବେଠୁ ଦେଖିଛି 

ତୁମ ଆଲିଙ୍ଗନ 

ଜଳୁଛି ଅନ୍ତରେ ଅନ୍ତରେ

ଭସା ବାଦଲ ମୁଁ 

ଚୁମିଦିଏ ପୂର୍ଣ୍ଣମୀ ଚାନ୍ଦକୁ

କେବେ ଭଲ ପାଇଛ !!

ଯେବେ ମୁଁ ବର୍ଷିଛି

କୋମଳ ଶରୀର ତୁମର

ଯାହା ପୁଷ୍ପ ଭଳି ପ୍ରାପ୍ତ

ଝରଣା ବକ୍ଷର ଶିଳାରେ 

ଶିଉଳି ମୁଁ ସାଧନାରେ ଲିପ୍ତ 

ଆଇନାର ଚତୁଃପାର୍ଶ୍ୱେ 

ଯେତେ କାରୁକାର୍ଯ୍ୟ 

ମଧୁଶାଳା ପାଚେରିରେ 

ସେତିକି ଭାସ୍କର୍ଯ୍ୟ

କେମିତି ବୁଝେଇବି ଭାଙ୍ଗି 

ମୋ ନିରବତା

ଛଳନା ଜାଣିନି କେବେ 

ନୁହେଁ ମୁଁ ଭଲ ଅଭିନେତା

ବୁଝିଯା ଏ ଅଲୋଡ଼ା ପ୍ରେମକୁ

କାଳେ ମନେ ପଡିଯିବ ଦେଖି

ଯୁଇରେ ଏ ଲେଲିହାନ ଶିଖା

ଏଡିଦେଇ ସବୁ ଅନିଚ୍ଛାକୁ