ଏ ଟିକେ ହସନା
ଏ ଟିକେ ହସନା
ଲାଜବତୀ କନ୍ୟା ପ୍ରେମ ପ୍ରୀତି ବନ୍ୟା
ସୁନ୍ଦର ପ୍ରିୟା ଭାବନା
ନାହିଁ ଏତେ ରାତି ସବୁଜ ସପନ
ରୂପେଲି ମଧୁ ଜୋଛନା ।
ସରୁ ଓଢଣୀରେ ଦିଶୁନାହିଁ ମୁହଁ
ଓଷ୍ଠ ଧାରେ ମଧୁ ହାସ୍ୟ
ତ୍ରସ୍ତା ହରିଣୀର ପ୍ରାୟେକ ମୋ ପ୍ରିୟା
ଉଦବିଗ୍ନା ଉର୍ଦ୍ଧ୍ୱଶ୍ୱ।ସ ।
ଶୁଭୁ ନାହିଁ ଏବେ ରୁଣୁଝୁଣୁ ଶବ୍ଦ
ତୋଳୁନି ଘୁଙ୍ଗୁର ଛନ୍ଦ
ଉଡ଼ି ପାରୁନାହିଁ ନୀଳ ଆକାଶରେ
ସ୍ୱଚ୍ଛନ୍ଦେ ମନ ବିହଙ୍ଗ ।
ସବୁ ରାତ୍ର ଦିନ ଉଆଁସ ଅନ୍ଧାର
ମୁହଁକୁ ମୁହଁ ଦିଶେନା
ଲାଗୁଅଛି ଦୁଃଖ ତୁମ ପାଇଁ ବେଶୀ
ନାହିଁ ମୋ ପାଇଁ ଶୋଚନା ।
ଭୟରେ ଆତୁର ଝୁରେ ମନପକ୍ଷୀ
ମନଖୋଲା କଥା ମନା
କେମିତି କହିବି ଏ ଟିକେ ହସନା
କାହିଁକି ଦେଖା ହେଉନା ।
-------