ଦୁର୍ନୀତି

ଗାନ୍ଧୀ ଗୋପବନ୍ଧୁ ସୁଭାଷ 

ଜୟପ୍ରକାଶଙ୍କ ନୀତି ଆଦର୍ଶ 

ଆଜିର ଦିନରେ ବିସ୍ମୃତ ତୁମ୍ଭର 

ଅସଂଖ୍ୟ ଅକାତର ବଳିଦାନରେ 

ପ୍ରାପ୍ତ ମହାର୍ଘ ସ୍ବାଧୀନତା 

କବଳିତ ତୁମ୍ଭରି ହସ୍ତରେ। 

ଶୋଷିତ ପୀଡିତ ବଞ୍ଚିତ ବର୍ଗର କଙ୍କାଳ

ତୁମ୍ଭ ପାଇଁ ହେଲା ଶୁଭ ସକାଳ

ଲୁଟି ଲୁଟି ଏଇ ସୁନାର ଦେଶଟାକୁ

ତୁମ୍ଭେ କରିଦେଲ ଖୋଳ

ତୁମ୍ଭ ଶାସନଗାଦିର ସଟ୍ଟା ଖେଳ

ହେଲା ଦୁଃଖୀ ରଙ୍କୀର କାଳ

ମିଳେ ନାହିଁ ତାଙ୍କୁ ବାସି ପଖାଳ

ତୁମ ଘରେ ନିତି ମାଉଁସ ଝୋଳ।

ଦେଶଟାକୁ ମଣିଅଛ ତୁମ୍ଭେ ଜାଗିରି 

ମନ ଇଛା ସମ୍ପତ୍ତି କରୁଛ ବିକିରି 

କଥାରେ କଥାରେ କର ତୁମ୍ଭେ କରାମତି 

ଝିଣ୍ଟିକା ମାରି ବଣି ପୋଷିବା ନୀତି 

ରାଷ୍ଟ୍ରୀୟ ସମ୍ପଦରେ କତିପୟଙ୍କ ରାଜୁତି 

ମହଙ୍ଗା ମାଡ଼ରେ କାନ୍ଦୁଛି ମେହନତି।

ଦିନେ ନା ଦିନେ ତ ପୁରିବ ତୁମ୍ଭର ବେଳ

ବାହୁରେ ନଥିବ ଅମାପ ବଳ

ସରିଯିବ ସେଠି ତୁମ୍ଭ ଅମଳ

ପାହିବ ରଜନୀ ଆସିବ ନୂଆ ସକାଳ

ଜନତା ଖୁସିରେ ହେବ ପାଗଳ।