ଦୁର୍ଘଟଣା
ଦୁର୍ଘଟଣା
1 min
183
ଅଙ୍କା ବଙ୍କା ଏଇ ଜୀବନର ପଥ
ମଣିଷ ଚାଲୁଛି ହୋଇ ଅଜଣା
ଦୁଃଖ କାଦୁଅରେ କେବେ ଗୋଡ଼ ଖସେ
ସୁଖ କରଇ ପୁଣି ବାଟବଣା
କେବେ ପୁଣି ଦୁର୍ଘଟଣା
ତଥାପି ଚାଲିଛି ନ ଥକି ମଣିଷ
ଅଣ୍ଡାଳି ଅଣ୍ଡାଳି ଶେଷ ଠିକଣା
ସୁଖ ମୋଡ଼ ଯାଏ ବାଟ ଯେ ଅଳପ
ଦୁଃଖ ମୋଡ଼ ଯାଏ ବାଟ ଅଧିକ
କରମ ଶଗଡ଼ ଗଡି ଗଡି ଚାଲେ
ପାପ ପୁଣ୍ୟ ତାର ବଳଦ ଯାକ
ଖାଲ ଢିପ ଦୁଇ ପାଖ
ଦଇବ ଛାଟରେ ଗାଡି ଚାଲେ ଗଡି
ଆଗକୁ ପଡିଛି ଫାଙ୍କା ସଡ଼କ
ଜୀବନ ପଥରୁ ରାଜପଥ ଯାଏ
ନିୟମ ମାନିବା ଆମ ଦାୟିତ୍ୱ
ସଚେତନ ହେଲେ ଦୁର୍ଘଟଣା ଜମା
ଘଟିବନି ଏଠି ଏକଥା ସତ
ଜୀବନର ଚଲାପଥ
ଶେଷ ଠିକଣାରେ ପହଞ୍ଚେଇ ଦେବ
ଧୈର୍ଯ୍ୟ ରଖିଥିଲେ ଦିନେ ନିଶ୍ଚିତ ।