ଦୁର୍ଗା
ଦୁର୍ଗା
କେବଳ ନୁହେଁ ମାଟି ମୂର୍ତ୍ତି ରେ,
ଦୁର୍ଗା ବିଦ୍ୟମାନ ପ୍ରତି ଟି ନାରୀ ଅସ୍ତିତ୍ଵ ରେ..
ଦଶଭୂଜା ଙ୍କ ଆଗମନେ ପ୍ରକୃତି ବି ହସିଉଠେ,
ହେଲେ କନ୍ଯାର ଜନ୍ମେ ନିଜ ପରିବାର ହସ ତୁଟେ!
ମାଁ ର ମୃଣ୍ମୟୀ ରୂପ କୁ କରୁ ଶତ ପ୍ରଣାମ,
ହେଲେ ନିଜ ମାଁ କୁ କାହିଁ ଦେଉ ବୃଦ୍ଧାଶ୍ରମ?
ମହିଷା ଠୁ ହୀନ ଏଠି ମାନବ ହେଲେ!
ଯୁବତୀ ଙ୍କୁ ତ ଦୁଷ୍କର୍ମ ;ଶିଶୁ କନ୍ଯା ବି ନିର୍ଯ୍ଯାତିଲେ,
ନାରୀ ର ଗର୍ଭ ରୁ ଜାତ,
ପିଇ ତା ସ୍ତନ ଅମୃତ;
ବଳଶାଳୀ ହୋଇ ପୁଣି ଖାଆନ୍ତି ତା ସ୍ବେଦ ରକ୍ତ!
ଦୁର୍ଗା ତ ଚାଲିଯିବେ ବିଜୟ ଦଶମୀ ପରେ,
ଜାଗ୍ରତ କର ତାଙ୍କୁ ପ୍ରତି ନାରୀ ଅସ୍ତିତ୍ଵ ରେ..
ଶକ୍ତି ର ସ୍ବରୂପା ନାରୀ ସ୍ନେହ ର ସ୍ବରୂପା,
ଅନ୍ନପୂର୍ଣା, ଜନନୀ ସେ, ଶତ ଅପରୂପା।