ଲାଇବ୍ରେରୀ
ପ୍ରୋଫାଇଲ୍
ସୁନାପିଲାଟିଏ ମୁହିଁ
ସୁନାପିଲାଟିଏ ମୁହିଁ
1 min
131
ବୋଉ କହୁଛନ୍ତି ସବୁ ଖାଇଦେଲେ
ସୁନାପିଲାଟିଏ ମୁହିଁ
ବାପା କହୁଛନ୍ତି କଥା ମାନିଦେଲେ
ସୁନାପିଲାଟିଏ ମୁହିଁ ।
ଜେଜ କହୁଛନ୍ତି କଥା ମୁଁ ଶୁଣିଲେ
ସୁନାପିଲାଟିଏ ମୁହିଁ
ଜେଜେମା କହନ୍ତି ଜୁହାର ମୁଁ ହେଲେ
ସୁନାପିଲାଟିଏ ମୁହିଁ ।
ସାରେ କହନ୍ତି ପାଠ ଲେଖିଦେଲେ
ସୁନାପିଲାଟିଏ ମୁହିଁ
ଭଲ କାମ ସବୁ କରିଦେଲେ ପରା
ସୁନାପିଲା ହୁଏ ସେହି।
ଭାବୁଛି ମନରେ ମୋତେ ସୁନା ପରା
କରିଲେ ସଭିଏଁ ମିଶି
ମୋତେ ସୁନାପିଲା କହି କହି ପରା
ନିଜେ ହେଉଥାନ୍ତି ଖୁସି।
