ହେ ମହାପ୍ରଭୁ
ହେ ମହାପ୍ରଭୁ
ଆଖି ଦୁଇ ତୁମ ସୂରୁଜ ଚାନ୍ଦ ତ
ଦେଖି ପାରୁନ କି ଏ ବାଧା
କିବା ସେ ନୟନେ ବସାଇ ରଖିଛ
ତୁମ ପ୍ରାଣପ୍ରିୟା ରାଧା ।
ତୁମେ ନ ଫେଡିଲେ ଆଉ କେ ଫେଡିବ
ଫେଡିବ ଏ ଦୁଃଖ,କାତର,ପୀଡା
ତୁମେ ନ ଚାହିଁଲେ ପତର ହଲେନି
ଜାଣିଛି ଏ ତୁମ ଲୀଳା।
ମୋର ଦୁଃଖ ଯଦି ତୁମକୁ ରଞ୍ଜୁଛି
ଦେଉଛି ତୁମକୁ ସୁଖ
ଆହେ ଭଗବାନ ପତିତପାବନ
ଦିଅ ତେବେ ଖାଲି ଦୁଃଖ ।
ମୋର ଅଶ୍ରୁଜଳ ତୁମ ପାଇଁ ଖେଳ
ଆନନ୍ଦ ଦେଉଛି ଯଦି
ଦେଖି ଦେଖି ମୋର ଆଖିରେ ଲୁହକୁ
ଖୁସି ହୁଅ ଦୟାନିଧି ।
ଲୁହ ପୀଡା ମୋର ଦେଖି ସାରି ଯେବେ
ମନ ପୁରି ଯିବ ତୁମ
ସେତେ ଦିନ ଯାଏ ଧର୍ଯ୍ଯ ଦେଇଥାଅ
ତୁଣ୍ଡେ ଥାଉ ତୁମ ନାମ।