ଦୁଃଖର ଏ ଦୀପାବଳି

  ଦୀପାବଳି ଅଟେ ଦୀପ ର ପର୍ବ 

     ଧନତରାସ ପରେ ଆଗମନ 

  ଅଯୋଧ୍ୟା ବାସୀ ଶ୍ରୀ ରାମଚନ୍ଦ୍ର କୁ 

    ସ୍ୱାଗତ କରିଥିଲେ ଏହି ଦିନ ll 1 ll

   ହିନ୍ଦୁ ଧର୍ମ ର ଏହି ଦୀପାବଳୀ 

    ଆଣେ ଖୁସି ର ସମ୍ଭାର 

  ପିଠା ମିଠା ସଂଗେ ଦୀପ ଆଉ ବାଣ 

   ମନ କୁ କରେ ବିଭୋର ll 2 ll

  ଘର ଦୁଆର କୁ ଲିପା ପୋଛା କରି 

     ଲଷ୍ମୀ ମା କୁ କରନ୍ତି ପୂଜନ 

  ଧନତରାସ ରେ କୁବେର ପୂଜା କରି 

    ଘରକୁ ଆଣନ୍ତି ଧନ ରତନ ll 3 ll

  ଅମାବାସ୍ୟା ତିଥି ଶ୍ୟାମାକାଳୀ ପୂଜା 

    କରନ୍ତି ନିଷ୍ଠା ଭକ୍ତିରେ 

  ବଡ଼ବଡ଼ୁଆ ଙ୍କୁ ଡାକରା ପକାଏ 

   ଜାଳି ଜାଳି ପୟା କାଠ ରେ ll 4 ll

   ଦୀପ ମାଳ ମାଳ ସଜା ହେଇଥାଏ 

     ସାରା ସହର ବୁକୁର

  ବାଣ ଫୋଟକା ରେ ଫାଟିଣ ପଡେଯେ 

     ଧରିତ୍ରୀ ମାତା ର ଅନ୍ତର ll 5 ll

   ଆଜି ଏ ଦୁର୍ଦିନେ ଅକାଳ କାଳରେ 

     ଫୁଟୁନି ଫୋଟକା ବାଣ 

   ପୃଥିବୀ ସଢୁଛି କରୋନା କବଳେ 

     ଦୁଃଖରେ ସଭିଏଁ ଜନ ll 6 ll

   କେତେ କେତେ ଜନ କରୋନା ଯୋଧ୍ୟା 

     ହରେଇଦେଲେଣି ପ୍ରାଣ 

   କରୋନା ରାକ୍ଷସ କାୟା ବିସ୍ତାରିଛି 

      ଶୁଖିଯାଏ ଏ ଜୀବନ ll 7 ll

  କି ଖୁସି ମିଳିବ କୁହ ହେ ସୁଧୀ ଜନ 

    ଏ ଦୀପ ପର୍ବ ଦୀପାବଳୀ ରୁ 

  ଭୋକ ଉପାସରେ ଜୀବନ ବିତୁଛି 

    କୁଢ଼ କୁଢ଼ ଶବ ଵୀଛାରି ପଡୁଛି ll8 ll

  ପୁତ୍ର ପିତା ହୀନ ମାତା ପୁତ୍ର ହୀନ 

     ବାହୁନି କାନ୍ଦୁଛି ପତ୍ନୀ 

  ଏ ଭଳି ସମୟେ କି ଖୁସି ମିଳିବ 

    କୁହ ହେ ଭାଇ ଭଗିନୀ ll 9 ll

   ଏ ମା ଲଷ୍ମୀ ମା ଶ୍ୟାମାକାଳୀ 

      ରକ୍ଷା କର ଏ ବିଶ୍ୱକୁ 

   ଦୀପ ର ଜ୍ୟୋତିରେ ଜାଳିଦିଅ ମା 

     କରୋନା ରୁପି ରାକ୍ଷସ କୁ ll 10 ll