ଦୁଃଖ
ଦୁଃଖ
ଦୁଃଖ ଅବା ସୁଖ ମାନସିକ ସ୍ଥିତି
ସମୟ ପ୍ରତିଫଳନ
ସଂସାରେ ମଣିଷ କରିଥାଏ ଭୋଗ
ଆପଣା କର୍ମ ବିଧାନ ।
ସୁଖରେ ବିଭୋର ଦୁଃଖରେ ଅଧୀର
ହୋଇବା ନୁହେଁ ଉଚିତ
ଦୁଃଖ କିବା ସୁଖ ନୁହେଁ ସଦା ସ୍ଥିର
ଘୁରୁଥାଏ ଚକ୍ରବତ ।
ନୀତି ଉପଦେଶ ଅନେକ ଦୃଷ୍ଟାନ୍ତ
ଦେଇଛନ୍ତି ଋଷି ମୁନି
ଏକନିଷ୍ଠ ଭାବେ ଭକତି ବିଶ୍ୱାସେ
ଦୁଃଖକୁ ପାରିବ ଜିଣି ।
କର୍ତ୍ତବ୍ୟ କର୍ମରେ ଢାଳ ମନପ୍ରାଣ
ହୁଅ ନାହିଁ ଧୈର୍ଯ୍ୟ ହରା
ଦୁଃଖ ହିଁ କଷଟି ମାନବ ଜୀବନେ
ଚିହ୍ନାଏ ପର ଆପଣା ।
ବିକଶିତ ହୁଏ ହୃଦୟ କମଳ
ଶତଦଳ ସହସ୍ରାର
ସୁରଭିତ ହୁଏ ସୁଗନ୍ଧ ସୁଗୁଣ
ହୁଅନି ଦୁଃଖେ କାତର ।
ଆସୁ ସୁଖ ଅବା ଦୁଃଖ
ହୋଇ ଅବିଚଳ ଶାନ୍ତ ସ୍ଥିତପ୍ରଜ୍ଞ
ଅନୁସର ସତ୍ୟ ପଥ ।