ଦଶମୂଳ ମୋଦକ ପ୍ରସ୍ତୁତି

ଅଣସର ବେଳେ ହୁଏ ଠାକୁରଙ୍କୁ ଜ୍ଵର

ଆୟୁର୍ବେଦ ଅନୁଯାୟୀ ହୁଏ ଉପଚାର ।

ଦଶ ମୂଳା ମୋଦକ ଯେ ଲାଗି ହୋଇ ଥାଏ

ତାହାକୁ ଖାଇଲେ ଜ୍ଵର ପୀଡା ଦୂର ହୁଏ ।

ଏଇ ମଉଷଧି ଟିର  ନିରିମାଣ ବିଧି

ଜାଣିଲେ ମିଳଇ ,ଯଶ ,ବିଦ୍ୟା ବୁଦ୍ଧି ସିଦ୍ଧି ।

ଶ୍ରୀ ମନ୍ଦିରେ ରହି ଥିବା ରାଜ ବୈଦ୍ୟ ମାନେ

ପ୍ରସ୍ତୁତ କରନ୍ତି ଯାହା ପୁରୁଷାନୁକ୍ରମେ ।

ତାକୁ ଖାଇ ଠାକୁର ମାନଙ୍କ ଜ୍ଵର ଦୂର

ଦଶ ଗୋଟି ଚେର ମୂଳି ଏଥି ବ୍ଯବହାର ।

ହୋଇ ଵାରୁ ଦଶମୂଳ ବୋଲି କୁହା ଯାଏ

ଆୟୁର୍ବେଦ ବିଧାନରେ ଯା" ପ୍ରସ୍ତୁତି ହୁଏ ।

ଅଙ୍କରାନ୍ତି , ଅଗବଥୂ ,ବିଲ୍ଵ ,ଶାଳପର୍ଣ୍ଣୀ

ପଣ ପଣା , ଗୋଖରl , ଗମ୍ଭାରୀ , କୃଷ୍ଣପର୍ଣ୍ଣୀ ।

ନବାଙ୍କୁରୀ , ଲବି କୁଳି ଏ ଦଶ ଦ୍ରବ୍ୟକୁ

ଖରା ରେ ଶୁଖାଇ କୁଟା ଯାଇ ଥାଏ ତାକୁ ।

ଛେଚି କୁଟି ଚୂର୍ଣ୍ଣ କରି କପଡା ରେ ଛାଣି

କାଠ ଚୁଲି ରେ କଡ଼ା ରେ ଘିଅ କୁ ଫୁଟାନ୍ତି ।

ଫୁଟନ୍ତା ଘୃତ ରେ ଛଣା ଗୁଣ୍ଡ କୁ ଗୋଳାନ୍ତି

ତାହା ପରେ ମହୁ , ଖୁଆ , ଶର୍କରା ,ପକlନ୍ତି ।

ସର , ଭାଙ୍ଗ , ନବାତ ଇତ୍ୟାଦି ଦ୍ରବ୍ୟ ତହିଁ

ମିଶାଇ ଖୁସୁଣି ଧରି ଘାଣ୍ଟି ଓ ଗୋଳାଇ ।

କଡାଈ ରେ ବସାଇ କି ପାଗ କରା ଯାଏ

ନଡ଼ିଆ ରୁ ଯେଉଁ ପରି କୁରା ବନା ହୁଏ ।

ପାଗ ହୋଇ ଗଲା ପରେ ଚୂଲି ରୁ ଓହ୍ଲାଇ

କିଛି କାଳ ବସା ଯାଏ , ଥଣ୍ଡା ହେବା ପାଇଁ ।

କଦଳୀ ପତର ଆଣି ଧୋଇ ବିଛା ଯାଏ

ଗୋଲା ଗୋଲା କରି ତା' ଉପରେ ରଖା ଯାଏ ।

ଶୁଖି ଟାଣ ଟାଣ ହୋଇ ଗଲେ ଗୋଲା ମାନ

କର୍ପୂର ଘଟିତ କରl ଯlଏ ତାହା ଜାଣ ।

ତାଳ ପତ୍ରରୁ ତିଆରି ଭୋଗେଇ ମାନଙ୍କ 

ଭିତରେ ଭରତି  କରା ଯାଏ ସେ ମୋଦକ ।