ଦୀପର ଆଲୋକେ ଦୀପାବଳି

କାର୍ତ୍ତିକ ଅମାବାସ୍ୟାତିଥିରେ ଅତି ଶରଧାରେ ହୋଇ ଆମନ୍ତ୍ରିତ

ଆମ ପିତୃପୁରୁଷ ସ୍ୱର୍ଗରୁ ଧରାପୃଷ୍ଠକୁ ହେବେ ଅବତରିତ ।

କାଉଁରିଆ କାଠି ଜାଳି ଘୃତ ସଳିତା ଦୀପଦେବା ପ୍ରଜ୍ବଳିତ କରି 

ଅନ୍ଧାରେ ଆସି ଆଲୋକେ ଫେରି ବଡ଼ବଡ଼ୁଆ ମଙ୍ଗଳ କରନ୍ତୁ ସବୁରି ।

ଗଙ୍ଗାଯିବେ ଗୟାଯିବେ ଆଉଯିବେ ପୁରୁଷୋତ୍ତମକ୍ଷେତ୍ର ପୁରୀ

ବାଇଶି ପାହାଚେ ମହାପ୍ରସାଦଖାଇ ପିତୃ ଲୋକଯିବେ ଫେରି ।

ମର୍ଯ୍ୟାଦା ପୁରୁଷୋତ୍ତମ ଅଧର୍ମ ଉପରେ ଧର୍ମ ସଂସ୍ଥାପନ ପାଇଁ 

ବିଜୟାଦଶମୀରେ ଦଶାନନ ବଧକରି ବିଜୟ ବାନା ଦେଲେ ଉଡାଇ ।

ଅମାବାସ୍ୟା ତିଥିରେ ଚଉଦବରଷର ପ୍ରତିକ୍ଷାର ଅନ୍ତକରି  

ମାତାସୀତା ଭ୍ରାତାଲକ୍ଷ୍ମଣଙ୍କ ସଙ୍ଗେ ଅଯୋଧ୍ୟା ଆସିଥିଲେ ଫେରି ।

ବାଣଫୁଟାଇ ଆକାଶପ୍ରଦୀପ ଘୃତସଳିତା ଦୀପ କରି ପ୍ରଜ୍ବଳନ 

ପ୍ରଭୁ ଆଗମନର ଅପୂର୍ବ ଏଦିନ ଦୀପାବଳି ପର୍ବ କରୁ ପାଳନ ।

ଦୀପର ଆଲୋକ ଓଠରେ ହସ ଆଖିରେ ଖୁସି ପରିପୂର୍ଣ୍ଣ କରୁ  

ମୋ ରାଇଜ ହେଉ ସୁନ୍ଦର ରାମ ରାଇଜ ବିକାଶର ମାର୍ଗ ଧରୁ ।

ଦୀପାବଳି ନେଇ ଆସିଛି ଆଲୋକ ଅମାଅନ୍ଧକାରର ବକ୍ଷକୁ ଚିରି

ପ୍ରଭୁଙ୍କ କୃପାରୁ ଧନ ଜନ ମାନ ଐଶ୍ଵର୍ଯ୍ୟରେ ପ୍ରତିଗୃହ ଯାଉପୁରି ।