ଲାଇବ୍ରେରୀ
ପ୍ରୋଫାଇଲ୍
ଶିବ ବନ୍ଦନା
ଶିବ ବନ୍ଦନା
1 min
235
ସପନ ବେଶି ରାତି ଅଳପ
ଆଶା ବୋଇତ ଜୀବନ ଦୀପ
କାଳ କରାଳ କରନ୍ତି କୋପ
ତଉଲ କରି ମୋ ପୂଣ୍ୟ ପାପ
ଶାନ୍ତି ମିଳେଲୋ
କରିଲେ ଶିବଙ୍କୁ ଜପ ।
ମରିଚିକା ପଛେ ଧାଇଁଧାଇଁ
ହେଉଥିଲି ଧଇଁସଇଁ
ଚାଲୁଚାଲୁ ବାଟ ଭୁଲୁଥିଲି
ମାୟା ମୋହେ ଅନ୍ଧ ହୋଇ
ମନ ମାନେନି ବିବେକ କଥା
ଲୁହରେ ଭିଜୁଥିଲା ମୋ ଆଖି ପତା
ଯେବେ ବାବାଙ୍କ ଶରଣ ଗଲି
ଉଣା ହୋଇଲା ମନର ତାପ
ଶାନ୍ତି ମିଳେଲୋ
କରିଲେ ଶିବଙ୍କୁ ଜପ ।
ଶିବମୟ ଶିବମୟ ଏବେ
ଲାଗେ ଚଉଦିଗ ମୋତେ
ବାବାଙ୍କ ଦୟାରୁ ସହିଯାଏ
ଆସେ ଦାଉ ଧକ୍କା ଯେତେ
ସମୟ ବିତେ ବାବାଙ୍କ ଧ୍ୟାନେ
ମନ ଏବେ ବିବେକକୁ ଗୁରୁ ମାନେ
ଆସୁ ରେ ଯେତେ ଝଡ ବତାସ
ସହିବି ଅଛି ଶକ୍ତି ଅମାପ
ଶାନ୍ତି ମିଳେ ଲୋ
କରିଲେ ଶିବଙ୍କୁ ଜପ ।
