ନାରୀ
ନାରୀ
ନିୟତୀର ଅନୁପମ ସୄଷ୍ଟି
ସ୍ନେହ ଶ୍ରଦ୍ଧା ପ୍ରେମର ସୁନ୍ଦର ସମାହାର
ଘରକୁ ସ୍ବର୍ଗ କରେ
ଆପଣାପଣ ଅଠାରେ
ସଭିଙ୍କୁ ଜଡାଇ ଧରେ ।
ବୈଦିକ ଯୁଗରେ ସେ ବନ୍ଦନୀୟା
ବିଦୁଷୀ ଗାର୍ଗୀ,
ଇତିହାସରେ ବୀରା ଲକ୍ଷ୍ମୀବାଈ
ମହାକାଶଚାରି କଳ୍ପନା ।
ଦେବଭୂମି ଭାରତରେ
ନାରୀର ଭିନ୍ନ ଭିନ୍ନ ପରିଚିତି ।
ଅଭିମାନ ତେଜି
ବରିପାରେ ପାଞ୍ଚ ପତି
ନିଜକୁ ପାଞ୍ଚ ଭାଗରେ ବାଣ୍ଟି
ହୋଇପାରେ ପ୍ରାତଃ ସ୍ମରଣୀୟା ସତୀ
ସତୀତ୍ବ ର ପରୀକ୍ଷା ପାଇଁ
ଅଗ୍ନି ରେ ପ୍ରବେଶ କରିପାରେ ।
ବୁଦ୍ଧି ଜ୍ଞାନ ବଳରେ
ଯମ ମୁଖରୁ ମାଗି ଆଣିପାରେ
ସ୍ବାମୀ ଙ୍କ ଜୀବନ ।
ଆଜି ବି ସେ ଦକ୍ଷ
ପୁରୁଷ ର ସମକକ୍ଷ ।
ତେଣୁ, ସଂରକ୍ଷଣ ବଦଳରେ
ଚାହେଁ ସମାନତା ।
ଦୁର୍ବଳା ନୁହେଁ
ଦୁଷ୍ଟ ଙ୍କୁ ସଂହାରିବା ପାଇଁ
ସେ ଯୁଗେ ଯୁଗେ ଶକ୍ତି ସ୍ବରୂପା ।
ସେ ପ୍ରେରଣାର ଉତ୍ସ
ପ୍ରୀତିର ମନ୍ଦାକିନୀ ଧାରା
ତା ପଣତକାନିରେ
ବାତ୍ସଲ୍ୟ ବିଛଣା
ସାରା ସଂସାରର ସୁରକ୍ଷିତ ଠିକଣା ।