ଦୀପାବଳି
ଦୀପାବଳି
ଆଜି ପରା ଘରେ ଦୀପାଳି ଜଳିବ
ମନ ମୋ ଆନନ୍ଦ ପରା
ଜନମତ ଆସେ ଶ୍ରୀରାମ ବିଜୟେ
ଉଲ୍ଲାସ ଜଗତ ସାରା ।
ଦଶାନନ ନାଶି ଧରାକୁ ଉଶ୍ଵାସୀ
ଭକତ ଗଣକୁ ରଖି
ପ୍ରଜା ବତ୍ସଳ ସେ କୌଶଲ୍ୟା ନନ୍ଦନ
ନପାରନ୍ତି ଦୁଃଖ ଦେଖି ।
ମହାଳୟା ପର୍ବେ ପିତୃ ପୁରୁଷ ଯେ
ପିଣ୍ଡ ଶ୍ରାଦ୍ଧେ ହୋଇ ତୃପ୍ତି
ବିଦାୟ ମେଲାଣି ଦୀପାଳିରେ ଘେନି
ଦେଇ ଥାନ୍ତି ସୁଖ ଶାନ୍ତି ।
ଆଲୋକ ଉତ୍ସବେ ଆତସ ରୋଶଣି
ଧାଡ଼ି ଧାଡ଼ି ଦୀପମାଳା
ଭାଇଚାରା ବାଣ୍ଟି ଆନନ୍ଦ ମନାନ୍ତି
ଭସାଇ ଆଲୋକ ଭେଳା ।
ଧନ ଲକ୍ଷ୍ମୀ ଆସି ଧନ ବରଷାନ୍ତି
ପାତକ କରିଣ ନାଶ
ଏପରି ପରବ ସ୍ଵାଗତ ଯୋଗ୍ୟ ଯେ
ଆସୁ ଥାଉ ପ୍ରତି ବର୍ଷ ।