ଦୀନକୃଷ୍ଣ ଦାସ ମନ ମୋହନ

ନୀଳ ପରବତେ ନୀଳ ସୁନ୍ଦର

     ଦୀନ ଦୀନକୃଷ୍ଣ ହୃଦୟ ହାର l

କଲ୍ଲୋଳିନୀ ସୂତା ବଲ୍ଲଭୀ ଯାର

    କଲ୍ଲୋଳ କାବ୍ୟରେ ଗୁନ୍ଥିଲି ହାର l

ନନ୍ଦିଘୋଷ ରଥ ଚାଲଇ ଦାଣ୍ଡେ

   ହୃଦ ନନ୍ଦିଘୋଷେ ଆସ ହେ ଦଣ୍ଡେ l

କଳା କଳେବର କଳା ଶ୍ରୀମୁଖ

     ଦୀନକୃଷ୍ଣ ଦାସ ଦୈନ୍ୟ ହରକ l

ଜୟ ଜଗବନ୍ଧୁ ଯଦୁ ନନ୍ଦନ

      ଦୀନକୃଷ୍ଣ ଦାସ କରେ ବନ୍ଦନ l

ବ୍ରଜବାଳି ହୃଦ ତଟ ଚନ୍ଦନ

     ମମ ହୃଦେ ପ୍ରଭୁ ପ୍ରାଣ ସ୍ପନ୍ଦନ l

ଯମୁନା ଘାଟରେ ବୁଢ଼ା ନାଉରୀ

    ଭଵସିନ୍ଧୁ ମୋତେ କରିବ ପାରି l

ହୃଦରେ ପଦକ କି ଜକ ଜକ

      କୃପାସିନ୍ଧୁ ପ୍ରଭୁ ଭଵ ନାୟକ l

କି ଶୋଭା ଦିଶୁଛି କଳାବଦନ

     ଦୀନକୃଷ୍ଣ ଦାସ ମନ ମୋହନ l

ବଡ଼ ବଡ଼ ତୁମ୍ଭ ଚାଲୁଣି ଆଖି

   ତହିଁରେ ରହିଲା ମୋ ମନ ଲାଖି l

ରଙ୍ଗ ଅଧରରେ ରଙ୍ଗିଆ ହସ

    ତୃଷ୍ଣା ମେଣ୍ଟାଇଲା ଏ ଦୀନ ଦାସ l

ଅଭିନଵ ଜଳ ଧର ମୂରତି

      ନୀଳଗିରି ପତି ଅଗତି ଗତି l

ହୃଦରେ ଦୟଣା କସ୍ତୁରୀ ଚିତା

    ବିଶ୍ୱବନ୍ଧୁ ଆହେ ବିଶ୍ୱ ଦେବତା l

ଦୀନ କୃଷ୍ଣ ଦାସ ହେଲା ସତୃଷ୍ଣ

    କେଶବ,ମାଧବ,କଂସାରୀ,କୃଷ୍ଣ l

ବନ୍ଦନା କରିଲା କଲ୍ଲୋଳ ପଦେ

    ଦୀନକୃଷ୍ଣ ଦାସେ ରହି ବିଷାଦେ ।