ଲାଇବ୍ରେରୀ
ପ୍ରୋଫାଇଲ୍
ଧର୍ମ ଧାରା
ଧର୍ମ ଧାରା
1 min
138
ପୁଣ୍ୟ କଲେ ପୁଣ୍ୟ ଫଳ ମିଳିଥାଏ
ପାପେ ନରକ ଯନ୍ତ୍ରଣା
ତଥାପି ମଣିଷ କୁକର୍ମ କରଇ
କିଛି ଜଣା ତ ଅଜଣା।
ଶ୍ରେଷ୍ଠ କର୍ମ ଫଳ ସୁନ୍ଦର ନିର୍ମଳ
ପ୍ରାଣୀ ସଦା ଭୋଗିଥାଏ
ରାଜସ କର୍ମର ଫଳ ଦୁଃଖ ଦିଏ
ତାମସେ ଅଜ୍ଞାନ ହୁଏ।
ସଂସାରରେ ଯିଏ ଜନମ ହୁଅଇ
ମରଣ ତା ଅଛି ସତ
ଭଲ କାମ କରି ମରେ ଯେ ମହୀରେ
ଅମରହୁଅଇ ସେ ତ।
ଭଲରେ ଅଛନ୍ତି ପ୍ରଭୁ ଚକାଡୋଳା
ମନ୍ଦରେ ବି ରହିଛନ୍ତି
ବିବେକ ବଳରେ ଯିଏ ଜିତି ପାରେ
କିରତୀ ଯେ ରଚିଥାନ୍ତି।
ଇଶ୍ଵରଙ୍କୁ କେବେ ଦୋଷ ଦେବା ନାହିଁ
ଦୋଷ ଦେଖ ନିଜଠାରେ
ମନର ଆୟତ୍ତ ବିବେକର ମତ
ରଖିବା ଯେ ଜୀବନରେ।
ହୃଦୟ ମନ୍ଦିରେ ଆସିବେ କାଳିଆ
ପଥକୁ କଢାଇ ନେବେ
ଧନୀ ଗରୀବର ଫରକ ପଡେନା
ମରଣେ ବି ଶାନ୍ତି ଦେବେ।
