ଧୈର୍ଯ୍ୟଶୀଳା ଦୟାବତୀ
ଧୈର୍ଯ୍ୟଶୀଳା ଦୟାବତୀ
ଜନମ ଦିନର ଶୁଭାଶିଷ-ତୋତେ
ସାହା ହୋଇଥା'ନ୍ତୁ ମାଆ,
କନକ ବରନା ଚତୁରୀ ଲଳନା
ସର୍ବ କୁଶଳରେ ଥାଆ ।
କୁଳବଧୂ ଆମ ଘର ଲକ୍ଷ୍ମୀ ତୁ ଲୋ
ଧୈର୍ଯ୍ୟଶୀଳା ଦୟାବତୀ,
ଲୋଟଣିପାରାଟି ପରି ଘୂରୁଥାଉ
ଗୃହକାର୍ଯ୍ୟେ ଦିନ ରାତି ।
ଭାରି ସାଦାସିଦା କଅଁଳ କହି ଯେ
ନୁହଁ ଉଗ୍ର ଆଧୁନିକା,
କମ୍ପ୍ୟୁଟର ଠାରୁ ଗାଡ଼ି ଚଢ଼ାଯାଏ
ସବୁଥିରେ କିନ୍ତୁ ଦକ୍ଷା ।
କୁନି ପୁଅଟିକୁ ସରାଗରେ ପାଳୁ
ଶିଖାଉ ଉଚିତ କଥା,
ପାଠ ପଢ଼ା ଠାରୁ ଖେଳ, ନାଚ, ଗୀତ
ସାଥୀ ହୋଇ ଥାଉ ଯଥା ।
ମନେ ପଡ଼େ ଯେବେ ମୁମ୍ବାଇରେ ଥିଲୁ
କୁଳପ୍ରଦୀପଟି ଲାଗି,
ଅହର୍ନିଶ କେତେ ସଂଘର୍ଷ କରିଛୁ
ନିଜ ସୁଖ-ସ୍ୱାର୍ଥ ତ୍ୟାଗୀ ।
ବିମାନରେ ଦିନେ ଉଡ଼ି ଆସିଥିଲୁ
ରିଶାନକୁ ଧରି ଏକା,
ଭାଇ ଦେଶକାର୍ଯ୍ୟେ ମଗ୍ନ ଥିଲା ତହିଁ
ଆମକୁ କରିଲୁ ଦେଖା ।
ରାତି ଅଧେ ଆସି ବିମାନବନ୍ଦରୁ
ପାଛୋଟିଲା ସାନ ଯାଆ,
ନିଶ୍ଚିନ୍ତ ହୋଇକି ଧନ୍ୟବାଦ ଦେଲୁ
ସାହା ହୋଇଥିଲେ ମାଆ ।
ଏବେବି ତୋହର କର୍ତ୍ତବ୍ୟ କରୁଛୁ
ରାଜଧାନୀରେ ତୁ ରହି,
ଭଲମନ୍ଦ ଆମ ପଚାରି ବୁଝୁଛୁ
ଆସୁଅଛୁ ଦେଖିଚାହିଁ ।
ଆଜିର ଏଇ ଯେ ଶୁଭ ମୁହୂର୍ତ୍ତରେ
ମାଆଙ୍କ ଚରଣେ ଅଳି,
ପରିବାର ସହ ସକୁଶଳେ ଥାଆ
ସାଧନା ମାର୍ଗରେ ଚଳି ।