ଦେଶ ବନ୍ଦନା: ଆମେ ଭାରତୀୟ
ଦେଶ ବନ୍ଦନା: ଆମେ ଭାରତୀୟ
ସତ୍ୟ ଶାନ୍ତି ପ୍ରିୟ ଆମେ ଭାରତୀୟ- ଅହିଂସା ଆମର ନୀତି,
ମୈତ୍ରୀ ବଳରେ ପ୍ରଗତି ଆଣିବୁ ଧରମରେ ରଖି ପ୍ରୀତି । (ଘୋଷା)
ଗୋଟିଏ ମାଆର କୋଟିଏ ସନ୍ତାନ-ଏକମନ ଏକପ୍ରାଣ,
ମୁକ୍ତିର ମଶାଲ ଭକ୍ତି ପୂଜାଫୁଲ ନାହିଁ ଆମ ଭିନ୍ନାଭିନ୍ନ ।
ଶୁଣିବାକୁ ସିନା କେତେ କେତେ ନାଆଁ ଆମେ ତ ଗୋଟିଏ ଜାତି ।
ସତ୍ୟ ଶାନ୍ତି ପ୍ରିୟ ଆମେ ଭାରତୀୟ- ଅହିଂସା ଆମର ନୀତି,
ମୈତ୍ରୀ ବଳରେ ପ୍ରଗତି ଆଣିବୁ ଧରମରେ ରଖି ପ୍ରୀତି ।
ବନ୍ଧୁ ମୈତ୍ରୀ ପଣେ ଗଢିପାରୁ ଆମେ ପ୍ରେମର ତାଜମହଲ,
ଆମରି ହୃଦୟେ ମମତାର ସ୍ରୋତ ବହେ ମନ୍ଦାକିନୀ ଜଳ ।
ମାଟିମାଆ ପାଇଁ ଢାଳିବୁ ରକତ-ପତେଇ ଦେବୁ ଏ' ଛାତି ।
ସତ୍ୟ ଶାନ୍ତି ପ୍ରିୟ ଆମେ ଭାରତୀୟ- ଅହିଂସା ଆମର ନୀତି,
ମୈତ୍ରୀ ବଳରେ ପ୍ରଗତି ଆଣିବୁ ଧରମରେ ରଖି ପ୍ରୀତି ।