ଦେଇଥଲି ତତେ ଅନେକ କଥା ମୁଁ ସବୁ କି ଫେରାଇ ଦେବୁ

ଦେଇଥିଲି ତତେ ଅନେକ କଥା ମୁଁ

ସବୁ କି ଫେରାଇ ଦେବୁ

ମନ ଦେଇଥିଲି କାଲି କଥା ସିନା

ଆଜି କି ଭୁଲି ତୁ ଯିବୁ 

ଦେଇଥିଲି ତତେ ଅନେକ କଥା ମୁଁ

            ସବୁ କି ଫେରାଇ ଦେବୁ ! ୦ !

ସୁଖ ଦେଇଥିଲି ବୁଝିଲୁନି ଯାହା

ବାଧାକୁ ଦେଉଛୁ ଆଣି

ହସ ଫୁଲ ଦଳି ଶୂନ୍ୟ ଆଞ୍ଜୁଳାରେ

ଭରିଲୁ ଆଖିର ପାଣି

ଏଡ଼େ ନିରିମମ କେମିତିକା ଆହା

ଭଗ୍ୟର ଦଶା କି ହେବୁ

ଦେଇଥିଲି ତତେ ଅନେକ କଥା ମୁଁ

            ସବୁ କି ଫେରାଇ ଦେବୁ ! ୧ !

ସପନର ଆଶା ମାରିଦେଲୁ ସତେ

ନିଜର ହୋଇଲୁ ପର

ବଞ୍ଚିବାର ମାୟା ଟିକକ ଛଡ଼ାଇ

ଭାଙ୍ଗିଲୁ ସରାଗ ଘର

ନେଇ ଜାଣିଥିଲୁ ଦେଇ ଜାଣିଲୁନି

ସୁଖର ଜିନିଷ ସବୁ

ଦେଇଥିଲି ତତେ ଅନେକ କଥା ମୁଁ

            ସବୁ କି ଫେରାଇ ଦେବୁ ! ୨ !