ଦେହଜୀବୀ

ରାତି ପାହିଲେ

ସୁନ୍ଦରୀ ରୁପସୀ ମାନଙ୍କର

ଭିଡ଼ ଜମେ

ଅନ୍ଧାରିଆ ଇଲାକାରେ

ସହରର ଚକମକ ରାଜରାସ୍ତାରେ

କିଣାବିକା ହୁଏ

ମାନବିକତା

କାହାର ଦେହର ଶୋଷ ମେଣ୍ଟେଇ

ତ ଆଉ କାହାର ପେଟର ଭୋକ

ନ୍ୟାୟ, ଅନ୍ୟାୟର ବାଛବିଚାର କିଛି ଵି ନ ଥାଏ

କି

ନ ଥାଏ କଳା ଗୋରାର ଭେଦଭାବ

ମାଂସ ପାଇଁ ସମସ୍ତେ କଲବଲ

ସମାଜ କି ସାମାଜିକ ହେବାର ଭାବନା ଵି ନ ଥାଏ

ଖୋଲା ଆକାଶ ତଳେ ହୁଏ ମୂଳଚାଲ

ବିକ୍ରିହୁଏ ଇଜ୍ଜତ

କାଗଜରେ ତିଆରି ପଇସା ହୁଏ ସର୍ବସ୍ୱ

ଦେହର ବଜାର ଚାଲେ

ନିର୍ଭୟରେ

ଅନ୍ଧାରି ଇଲାକାରେ

ଆଉ

ଚକମକ ରାଜରାସ୍ତାରେ