ଦେବନି ଦୂରେଇ

ତୁମେ ତ ସାଗର ମୁଁ ଯେ ଅଳସୀ ନଈ,

ମିଶିବି ତୁମଠି ଯାଇ।

ତୁମେ ଚନ୍ଦ୍ରମା ,ମୁଁ ଯେ ଜୋଛନା ତା'ର,

ଶୀତଳ କିରଣେ ଝରୁ ଥାଇ।

ତୁମେ ପାଗଳ ଭ୍ରମର ଗୁଣୁଗୁଣୁ ଗାଇ,

ମୁଁ ପଙ୍କଜ ତୁମ ସ୍ପର୍ଶ ପାଇଁ।

ତୁମେ ସୁରୁଜ ମୁଁ ତ ତୁମରି କିରଣ,

ନବପ୍ରଭାତର ଆଶା ନେଇ।

ତୁମେ ଫୁଲ ମୁଁ ରଙ୍ଗିନ ପ୍ରଜାପତି ହୋଇ,

ପ୍ରେ-ମ ମଧୁ ତୃଷ୍ଣା ମନେ ନେଇ।

ତୁମେ ତ ମେଘମହ୍ଲାର, ମୁଁ ବନ ମୟୁରୀ,

ନାଚି ବି ମୁଁ ଭିଜି ଥେଇ ଥେଇ।

ତମେ ମୋ କାମନା,ତୁମ ବିନା ଆନ ନାହିଁ,

ତୁମେ ମୋତେ ଦେବନି ଦୂରେଇ।

ତୁମେ ପ୍ରେମେ ଜଳୁଛି ମୁଁ, ଲିଭୁଛି ସାଥୀରେ,

ତୁମ ର ପରଶ ପାଇ ପାଇ।