ଦେବଭୂମି ହିମାଳୟ
ଦେବଭୂମି ହିମାଳୟ
ଆଧ୍ୟାତ୍ମିକ ଭାବନା ସହ ପ୍ରକୃତିର ଶୋଭା ଅପରୂପ
ଦେବ ଭୂମି ହିମାଳୟର ମହତ୍ତ୍ଵ ବର୍ଣ୍ଣନ ଅସୀମ
ପୁରାଣ କାଳରୁ ଦେବ ଭୂମି ରୂପେ ଖ୍ୟାତି ରହିଅଛି
ପ୍ରକୃତିର ଶୋଭାରାଜି ଦେଖି ଶାନ୍ତି ଭାବନା ଆସୁଛି ।
ମୁନି ଋଷି ସନ୍ନ୍ୟାସୀଙ୍କ ତପସ୍ଥଳି ରୂପେ ପରିଚିତ
ଏକାଗ୍ରରେ ଧ୍ୟାନ ମଗ୍ନ ପାଇଁ ହିମାଳୟ ହିଁ ବିଦିତ
ବରଫରେ ଆଚ୍ଛାଦିତ ହିମାଳୟ ପର୍ବତ ଶିଖର
ତାପମାତ୍ରା ସଦା ସର୍ବଦା ନିମ୍ନ ସ୍ତର ଓ ସୁସ୍ଥିର ।
ଔଷଧୀୟ ଗୁଳ୍ମ ପାଇଁ ରହିଛି ହିମାଳୟର ପ୍ରସିଦ୍ଧି
ପୁଣ୍ୟତୋୟା ଗଙ୍ଗା ସହ ଅନ୍ୟ ନଦୀ ଉପନଦୀ
ପାଦ ଦେଶେ ଧର୍ମ ସ୍ଥଳୀ ଶୈବ ପୀଠ ର ମନ୍ଦିର
ଆଧ୍ୟାତ୍ମିକ ପରିବେଶ ପାଇଁ ଭିଡ ତୀର୍ଥଯାତ୍ରୀଙ୍କର ।
ଭାରତର ଗୌରବ ହିମାଳୟ ଏଭେରେଷ୍ଟ ଶୃଙ୍ଗ
ପ୍ରାଚୀର ପରି ରହିଛି ସୁରକ୍ଷା ନ ହୁଅଇ ଭଙ୍ଗ
ଶତ୍ରୁ କବଳରୁ ରକ୍ଷା ପାଇଁ ସହାୟକ ହେଉଅଛି
ସୀମାନ୍ତ ସ୍ଥଳରେ ସୈନିକ ଆମର ଜାଗ୍ରତ ରହିଛି ।
ପୁରାଣ ବର୍ଣ୍ଣିତ କୈଳାସ ହିଁ ହିମାଳୟ ଦେବ ଭୂମି
କିମ୍ବଦନ୍ତୀ ପୌରାଣିକ ଉପାଖ୍ୟାନ ର ପବିତ୍ର ଜମି
ଦେବ ଦେବ ମହାଦେବଙ୍କ ଅତି ପ୍ରିୟ ବାସସ୍ଥାନ
ମନୋରମ ପରିବେଶ ହିଁ ମହାଦେବଙ୍କ ଆସ୍ଥାନ ।
ତୀର୍ଥ ସ୍ଥଳ ପରିଦର୍ଶନରେ ହିମାଳୟର ଦର୍ଶନ
ସଙ୍ଗୀତ ପରି ଅବାରିତ ଝରଣାର କୁଳୁକୁଳୁ ତାନ
ମୃଦୁ ମୃଦୁ ଶୀତଳ ସମୀରେ ଦେହ ମନ ପୁଲକିତ
ହିମାଳୟ ଗୁଣ ଗରିମା ଗାନ ପାଇଁ କିଏ ବା ସମର୍ଥ ।
ମସ୍ତକ ସ୍ବରୂପ ଭାରତର ଶୋଭା ବଢ଼ାଉଛି
ହିମାଳୟ ନାମରେ ହିଁ ଭାରତର ଗୌରବ ରହିଛି
ପୁଣ୍ୟ ଭୂମି ଭାରତରେ ଦେବ ଭୂମି ହିମାଳୟ
ପୁଣ୍ୟ ଦେବ ଭୂମିରେ ଜନ୍ମି ପରିଚୟ ଭାରତୀୟ ।