ଦେବା ସଦା ସନମାନ

ଏ ଦେଶ ମାଟିର ଶୂର ବୀର କେତେ

ରଚିଛନ୍ତି ଇତିହାସ,

ମାତୃଭୂମି ଶିର ଉଚ୍ଚା ରଖିଛନ୍ତି

ବଜାଇ ବିଜୟ ଘୋଷ ।

କହିଲେ ସେ ଗାଥା ଶେଷ ହେବନାହିଁ

ବିତିଯିବ ଦିନ ରାତି ,

ତାଙ୍କ ଲାଗି ଆମେ ଦେଶବାସୀ ସଦା

ସୁରକ୍ଷିତ ରହିଛନ୍ତି ।

ଆମ ପାଇଁ ସିଏ ରକତ ବୁହାନ୍ତି

ଭୁଲିଯାଇ ନିଜ ସୁଖ,

ହସି ହସି ପରା ବଳିଦାନ ଦେଇ 

ରଖନ୍ତି ଦେଶର ଟେକ ।

ମାଟି ନୁହେଁ ଖାଲି ଅଟଇ ଏ ମାଆ

ତେଣୁ ତା'ର ମୂଲ୍ୟ ବୁଝି,

ଋଣ ପରିଶୋଧ କରୁଛନ୍ତି ସେ ଯେ

ବଇରୀ ସାଥିରେ ଯୁଝି ।

ବୀର ପ୍ରସବିନୀ ଜନନୀ ଆମର

ଆମେ ରଖିବା ତା' ମାନ,

ବୀର ସୁହୃଦଙ୍କୁ ସାହସ ଯୋଗାଇ

ଦେବା ସଦା ସନମାନ ।