ଡ଼ଙ୍ଗା

ମୋ ସାଙ୍ଗ ସୁନ୍ଦର ସୁସ୍ଥ ଡଙ୍ଗାଟିର 

    ବନ୍ଧନ ଯାଇଛି ଫିଟି 

ମୋହ ଆଗେ ଆଗେ ଯାଇଛି ସରାଗେ 

     ସମସ୍ତ ବନ୍ଧନ କାଟି l 

ବଣା ମୋ ଡଙ୍ଗାଟି ପାଣିଯାଏ ପଶି 

     ମଙ୍ଗ ବା ଧରିବ କିଏ 

ପାଣି ଛାଣି ଛାଣି ହାଲିଆ ହେଲିଣି 

     ବେଳ ବୁଡି ବୁଡି ଯାଏ l 

ବାରୁଣୀ ରାଣୀ ତା କଳା ଶାଢ଼ୀ ପିନ୍ଧି 

     କି ଚଞ୍ଚଳ ଆସେ ମାଡି 

କ୍ଳାନ୍ତ ଶ୍ରାନ୍ତ ହୋଇ ଦୂରପଥେ  ଚାହିଁ 

     ପାଦ ପାରୁନାହଁ କାଢି l 

କେତେ ଦୂରବାଟ ରହିଛି ବାକି ମୋ 

     ଆଉ ନ ପାରୁଛି ବାରି 

ଆର ପାରିକି ମୁଁ ଚାହିଁଲେ ବିକଳେ 

     କିଏ ଡାକେ ହାତଠାରି ?