" ଡାକଘର
" ଡାକଘର
ମନେ ପଡ଼େ ସେଇ ପୁରୁଣା କଥା
ଗାଁ ଡାକ ଘର ମହତ୍ତ୍ଵ କଥା
ଛୋଟ ଚାଳ ଘରେ ବଡ଼ କାରବାର
ସମ୍ପର୍କ ସୂତ୍ରରେ ବନ୍ଧା ।
ଝୁଲୁଥାଏ ସେଇ ନାଲି ବାକସ
ସବୁରି ପାଇଁ ଯେ ଥାଏ ସନ୍ଦେଶ
ନାଲି ବାକସରେ ମୁଦା ଲଫାପା ରେ
କେତେ ଯେ ମନର ଭାଷ ।
ଆତ୍ମୀୟଙ୍କ ପାଇଁ ଟଙ୍କା ପଠିଆ
ସ୍ନେହ ଶରଧା ରେ ଫରମ ଲେଖା
ଟଙ୍କା ଦେବା ନେବା କରୁଥିଲା ସିଏ
ବିଶ୍ଵାସରେ ଭରା ଥିଲା ତା ଘଡ଼ା ।
ସାଇକେଲ ଧରି ସେ ଡାକବାଲା
ଡାକବାଲା ନୁହେଁ ଆତ୍ମୀୟ ଥିଲା
ଚିଠି ସଙ୍ଗେ ସିଏ ଖୁସୀ ବାଣ୍ଟିବାଣ୍ଟି
ସୁଖେ ଦୁଃଖେ ଭାଗୀଦାର ସେ ଥିଲା ।
ଯୁଗ ବଦଳିଲା ଉନ୍ନତ ହେଲା
ମନୁ ସ୍ନେହ ଶ୍ରଦ୍ଧା ଉଭେଇ ଗଲା
ଚିଠି ଲେଖା ମନ ହଜି ଯାଇ ପୁଣି
ସମୟ ସୂତ୍ର ଟି ଛୋଟ ହୋଇଲା ।
ଚାଳ ଡାକ ଘର ଛାତ ହୋଇଲା
ସେଠି ଚାକିରିଆ ପାଠୁଆ ହେଲା
ହେଲେ ଡାକ ଘର ପାଠୁଆ ମାଷ୍ଟର
ମାନସିକତା ଟି ବଦଳିଗଲା ।
ଡାକ ଘର ଆଜି ଖାଲି ପଡିଛି
ଡାକବାଲା ବାଟ କିଏ ଚାହୁଁଛି
ହାତ ଲେଖା ଦୁଇ ଧାଡି ଲେଖା ପାଇଁ
କାହା ମନ କୁହ ବିକଳ ଅଛି ।
ଡାକଘର ସଙ୍ଗେ ଗୁଢ ସମ୍ପର୍କ
ଅନୁଭବର ସେ ଅକୁହା ଭାବ
ଭାବ ଭାସିଗଲା ସଂପର୍କ ଅବୁଝା
ଡାକଘର ଆଜି ଅଟେ ନିଶ୍ଚୁପ ।