ଦାନ

ଦାନ ପୂଣ୍ୟ ଭଳି ମହନୀୟ କାମ  ଏ ସଂସାରେ ଆଉ ନାଇଁ  ଏହାର ମହତ୍ୱ ହୃଦୟେ ହେଜି କି ଦାନ କର ଅନ୍ୟ ପାଇଁ..

 

ଗର୍ବ ଅହଂକାର ପରିହାର କରି   କରେ ଯେ ଦୁଖୀଙ୍କୁ ଦାନ ସବୁରି କଲ୍ୟାଣ ଲଭି ସେଇ ବ୍ୟକ୍ତି    ସାଉଁଟେ କେତେ ସମ୍ମାନ ।

 

ହେଉ ଅଙ୍ଗଦାନ ଅବା ଚକ୍ଷୁଦାନ    ସବୁ ତ ମହତ ଦାନ ରକ୍ତଦାନ କରି ଜୀବନ ବଞ୍ଚାଅ   ଶିକ୍ଷାଦାନେ ଦିଅ ମନ ।

ଅପାତ୍ରରେ ଦାନ ଦିଅ ନାହିଁ କେବେ   ସେ ଦାନେ ମହତ ନାଇଁ ତୃଷାର୍ତ୍ତ ଲୋକଙ୍କୁ ଜଳଦାନ କରି   ଧର୍ମ ଅର୍ଜ ନିଜ ପାଇଁ ।

 

ଭୋକିଲା ପେଟକୁ ଭୋଜନ ବ୍ୟବସ୍ଥା   ଅଟଇ ମହାନ କାମ ନିର୍ମଳ ହୃଦୟେ ଦାନ ଧର୍ମ କରି    ଅର୍ଜନ କର ସୁନାମ ।