ଲାଇବ୍ରେରୀ
ପ୍ରୋଫାଇଲ୍
ଦାଗ ଦିଶେ ସମୁଜ୍ଜ୍ୱଳ
ଦାଗ ଦିଶେ ସମୁଜ୍ଜ୍ୱଳ
ସବୁଜ ସ୍ବପନେ ତଲ୍ଲୀନ ସୁନାମ
ଦିଲ୍ଲୀପ ଶ୍ରୀଚନ୍ଦନ
ଖୋରଧା ମାଟିର ଉଜ୍ଜ୍ବଳ ନକ୍ଷତ୍ର
ସ୍ବାଗତ ଅଭିନନ୍ଦନ ।
ମହା ବିଦ୍ୟାଳୟେ ହୋଇ ଅଧ୍ଯାପକ
ଅଧ୍ଯକ୍ଷ ପଦ ଆସୀନ
ଶିକ୍ଷା ସେବା ରତେ ହୋଇ ବିଧାୟକ
ଜିଣିଅଛ ନିର୍ବାଚନ ।
ପରିବେଶ ରକ୍ଷା ମହତ ଉଦ୍ଦେଶ୍ଯେ
ରହି ସଦା ସଚେତନ
କୋଡିଏ ଲକ୍ଷରୁ ଅଧିକ ସଂଖ୍ୟକ
କରିଛ ବୃକ୍ଷରୋପଣ ।
ଚାଳିଶି ଦେଶର ସମଭାବାପନ୍ନ
ପ୍ରତିନିଧି ସମନ୍ବୟେ
ଗଢିଛ ପ୍ରେରଣା ସବୁଜ ସେନାନୀ
ରହିଛ ପୁରୋଧା ଭାବେ ।
ନିମ୍ବ ଶାଳ ଫାସି ଧଉରା ଅସନ
ଶିମିଳି ମହି ଗମ୍ଭାରି
କଂସ କାଳଚୁଆ ପାଳଧୂଆ ଆଦି
ବୃକ୍ଷ ଆରୋପଣ କରି ।
କରିଅଛ ସାଧୁ ଉଦ୍ୟମ ପ୍ରୟାସ
ଦୁଶ୍ଚିନ୍ତା ହୋଇଛି ଦୂର
ରଥ ଓ ବିଗ୍ରହ ନିର୍ମାଣ ସୁଗମ
ଅଭାବ ହୋଇବ ଦୂର ।
ଅନନ୍ଯ ପ୍ରତିଭା କୃତିତ୍ବ ନିମନ୍ତେ
ହୋଇଅଛ ସମ୍ମାନିତ
ଭାରତର ଗଛ ପୁରୁଷ ସ୍ବରୂପେ
ହେଉଅଛ ସୁବିଦିତ ।
ରଚିଅଛ ବହୁ ସାରସ୍ବତ କୃତି
କବିତା ଗଳ୍ପ ପ୍ରବନ୍ଧ
ଅରଣ୍ୟ କାହାଣୀ ନାଟ୍ଯ ଉପନ୍ୟାସ
ଗବେଷଣା ସୁନିବନ୍ଧ ।
ନିରବଚ୍ଛିନ୍ନରେ ଚାଳିଶି ବରଷ
ସାଧନା ଅସାଧାରଣ
ଦେଶ ଜାତି ଲାଗି ଅରଜିଛ ଯଶ
ଅଭିନବ କୀର୍ତ୍ତିମାନ ।
ପାରିନି ଶ୍ରାବଣ ରକତକୁ ଧୋଇ
ଖୋର୍ଧା ଦାଗ ସମୁଜ୍ଜ୍ୱଳ
ଶତ ପ୍ରଣାମ ହେ ମାଟିର ସନ୍ତାନ
ମୁକ୍ତିମନ୍ତ୍ର ସୂୂତ୍ରଧର ।
