ଚଉପଦୀ - ମନାକଲି ପରା ତୋତେ

କବି - ଉପେନ୍ଦ୍ର ଭଞ୍ଜ

ରାଗ -ପରଳ ତାଳ - ଏକତାଳି

ସଙ୍ଗାତ ମନା କଲି ପରା ତୋତେ ।

ନ ଅନାଅ ସୁନାବରନା ବୋଲନ୍ତେ

ଘୃଣା କଲୁ ପରା ମୋତେ । ପଦ ।

ପର କି ମୁଁ ତୋର ତରକିଲୁ ଗିର

ପରଖ ଏବେ ତୁ ଚିତ୍ତେ ।

ତୁଚ୍ଛାକୁ ତୁ ଉତ୍ସା ହେବାରୁ ତୋ ଇଚ୍ଛା

ସୁଖେ ଲୁହପୋଛା ଏତେ । ୧ ।

ପରମାଦ ମଞ୍ଜି ପୋତିଦେଇ ଗଞ୍ଜ

ଖଞ୍ଜିଲୁ ତୁ ଆଶାଫଳେ ।

ରଙ୍କୁଈକ୍ଷଣୀ ନ ଅଙ୍କୁରିଲାକ୍ଷଣି

କିପାଁ ତାଙ୍କ ମୁଖ ତଳେ । ୨ ।

ଘନସ୍ତନୀ ପାଞ୍ଚ କରିଥିଲୁ ଆଶା

ନ ଲାଗିବ ବୋଲି ଦୃଢ଼େ ।

ଚତୁରୀ ଆତୁରୀ ନ ରହେ ଚାତୁରୀ

ବଚନ କ୍ତୁରୀ ଦାଢ଼େ । ୩ ।

ଏ ଗୋପକଟକ ଟିକାଟେ ପାଟକ

ଜାଣି କି ଅଟକ ଥାଇ ।

ହଜାଇଲୁ ମତି ମଜ୍ଜାଇଲୁ ଶୀତି

ହେଜ ଉପଇନ୍ଦ୍ର କହି । ୪ ।