ଲାଇବ୍ରେରୀ
ପ୍ରୋଫାଇଲ୍
ଚଉପଦୀ - କଳାବତୀ ଖଞ୍ଜନାକ୍ଷି
ଚଉପଦୀ - କଳାବତୀ ଖଞ୍ଜନାକ୍ଷି
1 min
13.3K
କବି -ବନମାଳୀ ଦାସ
ରାଗ - ଜୟନ୍ତ, ତାଳ- ଝୁଲା
କଳାବତୀ ଖଞ୍ଜନାକ୍ଷି ଗୁରୁନିତମ୍ବିନୀ ।
ଘନକେଶୀ ଊରୁଶୋଭୀ ଚମ୍ପକବରନୀ ।
ଛାନ୍ଦପଠିନୀ ରେ । ୧ ।
ଜଳଜବାସିନୀ ଝୀନବସନୀ ନବୀନା ।
ଟେକସ୍ତନା ଠଣମୁଖୀ ଡାଳିମ୍ବଦଶନା ।
ଢଗବଚନା ରେ । ୨ ।
ଅରୁଣାଧରୀ ତରୁଣୀମଣି ଥିରଗତି ।
ଦରହାସୀ ଧୀରାହୀରା ନବରସବତୀ ।
ପ୍ରୀତି ମୂରତିରେ । ୩ ।
ଫୁଲକୋମଳା ବିବିଧବିଳାସମଣ୍ଡନା ।
ଭାବମୟୀ ମୋତିଦନ୍ତୀ ଯତିଧୈର୍ଯ୍ୟଘେନା ।
ରସବର୍ଦ୍ଧନାରେ । ୪ ।
ଲାବଣ୍ୟନିଧି ବିଚିତ୍ରବେଶମନୋହରା ।
ଶଚୀପତିଶିରୀଦାୟୀ ସ୍ମରଦର୍ପହରା ।
ସିଦ୍ଧିପସରାରେ । ୫ ।
ହାସମଞ୍ଜୁଳା ହୃଦୟାତାପଧ୍ୱଂସକରା ।
କ୍ଷଣଦାକାନ୍ତି ତୁ ବନମାଳୀ ଦିନସ୍ମରା ।
କ୍ଷମାନିଧାନୀ ରେ । ୬ ।
