ଚଉପଦୀ ଧର୍ମୀୟ-97
ଚଉପଦୀ ଧର୍ମୀୟ-97
ଚଉପଦୀ
ଭାଗ (97)
ରାଗ – ଖମ୍ବାଜ - ଝୁଲା
(ଧର୍ମୀୟ ଓ ରାଗାନୁଗା ଭକ୍ତିମୂଳକ)
ଜଗତ କରତା ନାଥ ମିଛେ ହରି ବୋଲାଇଛ
ଅନ୍ତରେ କପଟ ରଖି କ୍ଷିତିରେ ଦାତା ହୋଇଛ (ପଦ)
ଦେଲ ଯାହା ନେଲ ତାହା - ନ ଜାଣ କି ଚଉବାହା !
ଏଥକୁ ଭାର୍ଗବୀନାହା, ପତାକା ଯା ଉଡାଇଛ (1)
ବଳୀରାଜା ଦାନକାଳେ - ତାକୁ ଚାପିଲ ପାତାଳେ
ଗୋପେ ସୁଦାମାକୁ ବଳେ ଅଇଶ୍ୱର୍ଯ୍ୟ ଦିଆଇଛ (2)
ଗୋପୀଙ୍କ ବସ୍ତ୍ର ଗୋକୁଳେ - ଚୋରିକଲ ଆବହେଳେ
ଦ୍ରୌପଦୀ ଆତଙ୍କ କାଳେ, କୋଟିବସ୍ତ୍ର ଦିଆଇଛ(3)
ଶୁକ୍ର ମନ୍ତ୍ରୀ ନେତ୍ରେ କୁଶ - ମାରି ଲଭିବାର ଯଶ
ଧୂଳି ଖେଳେ ପୀତବାସ, ଅନ୍ଧେ ଲୋଚନ ଦେଇଛ (4)
କଂସର ଯେ କୁବଳୟା – ତା’ ଠାରେ କରିଣ ମାୟା
ଗଜକୁ କରିଣ ଦୟା, ଚକ୍ରେ କୁମ୍ଭୀର ହାଣିଛ (5)
ହୃଦୟ ବଡ କଠିନ - କମଠ ପୃଷ୍ଠରୁ ଟାଣ
ବଳଦେବକୁ କଷଣ, ଭୂଜତିଳେ ରୁହାଇଛ (6)
କବିସୂର୍ଯ୍ୟ ବଳଦେବ ରଥ