ଚଉପଦୀ ଧର୍ମୀୟ-103

ଚଉପଦୀ

ଭାଗ (103)

ଖମାଚ - ଏକ ତାଳି

(ଧର୍ମୀୟ ଓ ରାଗାନୁଗା ଭକ୍ତିମୂଳକ)

ଜାଣିଲି ଠିକ ପିକ ବାଣୀ ରେ ! ତୋ ବିବେକଠାଣି

ଏ ଚାହାଣୀକୁ ଆଜ ରେ (ଘୋଷା)

ଦେଖି ଭଲେ ଏ ନେତ୍ର ହୋଇଯାଉ ପବିତ୍ର

ଅବା ନବୀନା ବିନା ଲାଜରେ (1)

ଧନ ରେ ! ଧନ୍ୟ ଧନ୍ୟ ତୋ ଶ୍ରୀମୁଖ - ଲାବଣ୍ୟ

ନାହିଁ ଶାରଦ ଦ୍ୱିଜରାଜରେ (2)

ମୋତେ ଅବଲୋକନ ଦେବାକୁ ଏ ବିଧାନ

ନିକୁଞ୍ଜ ଆଗମନ ବ୍ୟାଜରେ (3)

ଭେଟ ତ ମୁଁ ହେଲିଣି ଆଉ ଦୂତୀଙ୍କି ଘେନି

କି ଫଳ ଆପେ ତୁ ନିଆଜ ରେ (4)

ମୁଁ କରିବା ସେବାରେ ସମ୍ମତି କରିବାରେ

ମାର ବାରଣ ବେଶ ସାଜ ରେ (5)

ଏ ଅଷ୍ଟଦୁର୍ଗନାଥ ସୂଚିତ୍ତ ମନୋରଥ

ଭରି ଦୁଷ୍ଟ ଦଶାକୁ ମାଳ ରେ (6)

କବିସୂର୍ଯ୍ୟ ବଳଦେବ ରଥ