ଚଉପଦୀ (84)
ଚଉପଦୀ (84)
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଚଉପଦୀ
(84)
ନାହିଁ କରୁ କାହିଁକି ? ରେ ଗଳା ମଣି ମାଳି !(0)
ନ ଯିବି କେବେ ବିଦେଶ, ତୁ ଦେଉଥିବା ନିର୍ଦ୍ଦେଶ
ଶିରେ ବହିଥିବି ପରିପାଳି (1)
ପରଜନଠାରେ ପରି ପରିଜନରେ କିଶୋରୀ !
ବସିଛୁ ମାନସେ କିସ ଭାଳି ? (2)
ତୋ ଚରଣ-କଞ୍ଜତଳ ସ୍ଥଳେ ମୋ’ ନିଆଳୀ ଚୂଳ
କରୁଥିବି ନିତି ନିଉଁଛାଳି (3)
ମୋ’ କୋଳେ ରଚି ବିହାର ଅରାତିମାନଙ୍କୁ ମୋ’ର
ମରାଇବାକୁ ମୋ କରେ ‘ତାଳି’ (4)
ଆରେ କାମ କଳାନିଧି ! ହେଲି ଯେବେ ଅପରାଧୀ,
ଦେଉଥିବୁ ପଛେ ପଦେ ‘ଗାଳି’ (5)
ଆରୋହି ଅଙ୍କ-ତଳପ ପୂରାଅ ମୋ’ ସଙ୍କଳପ
ଦେବାକୁ ‘ମଦନ’- ମୁଖେ ‘କାଳି’ (6)
ପୀଡିବି ନାହିଁ ଦନ୍ତରେ, ଲାଲ ଦନ୍ତବାସେ ଥରେ
ରସନାକୁ ସିନା ଦେବି ଚାଳି (7)
‘ଅଷ୍ଟଦୁର୍ଗ-ରୂପ’ ଭଣେ ଉଚ୍ଚ ‘କୁଚ-କୁମ୍ଭ’ କ୍ଷଣେ
ଦେବାକୁ ମୋ ଉର ସ୍ଥଳେ ଝାଳି (8)
କବିସୂର୍ଯ୍ୟ ବଳଦେବ ରଥ