ଚଉପଦୀ (179)
ଚଉପଦୀ (179)
ଚଉପଦୀ
(179)
ରାଗ – ମୁଖାରୀ - ତ୍ରିପଟା
ସୁରସବତୀଟି ରେ, ମୋହ ସପତଟି ରେ (ଘୋଷା)
(ପଡି)
ଭାଷ ଭାଷମୃଦୁହାସ ମଧୁର କରି - କରୀଗତି ଚନ୍ଦ୍ରାନନୀ କନକଗୋରୀ
ଗତ ନିଶି ବିପରୀତ ରତିରେ ମୋହପରି
ହେଲୁ ଯା ମନ କି ଲାଗିଲା ସେ ସମୟରେ.
କଙ୍କଣ ହେବାରୁ ମୂଳ - କିଙ୍କିଣୀ ଦେଲା କି ଡାକ
ଦୀପକୁ କିମ୍ପା ଚଞ୍ଚଳେ - ବଞ୍ଚିଲୁ ଦୁକୁଳାଞ୍ଚଳେ
(ପଡି) (1)
ଆଣନ୍ତେ ମୁଁ ସେ ପ୍ରସଙ୍ଗ- ପୁଲକିଲା କି ଶ୍ରୀ୍ଅଙ୍ଗ
ଚମକିଲା କି ମଦନ - ଭୂପତି କେଳି ସଦନ
(ପଡି)(2)
ହେଲାକି ମୋର ଯୁଗଳି - ଶିଖ ଗଙ୍ଗାଧାରା ଦୋଳି
ଭ୍ରମରକୁ ପଙ୍କେରୁହ - ଚୁମ୍ବିଲା କି ବହି ସ୍ନେହ
(ପଡି)(3)
ସେ ଚାରୁ ଚିତ୍ର ଭୂଲାକି - ଦରଦରୁ କମ୍ପିଲାକି
ଭାଷେ ଜଳନ୍ତର ନାଥ - ପୁରିଲା କି ମନୋରଥ( ପଡି)(4)
କବିସୂର୍ଯ୍ୟ ବଳଦେବ ରଥ