କଣ ମାଗିବି ତୁମକୁ ?

ବହୁ ଥର ଭାବେ ମାଗିବି କିଛି ମୁଁ ତୁମ 

ଦରବାରେ ଯାଇ,

ତୁମକୁ ଦେଖିଲେ କେମିତି କେଜାଣି ପାଟି ମୋର ଖୋଲେ ନାହିଁ !

ମନେ ମନେ ଭାବେ କଅଣ ମାଗିବି ସୀମାରେଖା ଗାର ଟାଣି,

ସୀମିତ ଭିତରେ ନୁହଁ ପରା ତୁମେ ଅସୀମ ଦୟାର ଖଣି !

ମାଗିଦେଲେ କାଳେ ହୋଇଯିବି ଛୋଟ ଭାବେ ପୁଣି ମନେ ମନେ,

କାହିଁକି ମାଗିବି ସବୁତ ଦେଇଛ ରଖିଛ ମୋତେ ମୋ ସ୍ଥାନେ !

ଯଦି କେବେ ତୁମ ସୁଦୟା ହୋଇବ ମାଗିବା ନିମନ୍ତେ ଯିବି,

ଏହି ଚନ୍ଦ୍ରକାନ୍ତ ଶ୍ରୀଜଗନ୍ନାଥଙ୍କୁ କାଳେ କାଳେ ମାଗୁଥୁବି !!

ଏହି ଚନ୍ଦ୍ରକାନ୍ତ ଶ୍ରୀଜଗନ୍ନାଥଙ୍କୁ କାଳେ କାଳେ ମାଗୁଥୁବି !!