ଚମ୍ପାକଳି ଆଜି ତୁ ଲୋ ଗଲୁଣି ବଦଳି

ଚମ୍ପାକଳି ଆଜି ତୁ ଲୋ ଗଲୁଣି ବଦଳି

କଥା ତୋର ମିଠା ନାହିଁ ଖଟାର ହାଉଳି 

...........ଚମ୍ପାକଳି ଆଜି ତୁ ଲୋ ଗଲୁଣି ବଦଳି ! ୦ !

ହସ ଆଜି ବିଷ ବୋଲି ଇସାରା ଦେଉଛୁ

ପାଖ ଯାହା ଦୂର ବାଟ ଦେଖାଇ ହେଉଛୁ

ଫୁଲ ନୁହେଁ ଅଙ୍ଗାରକୁ ବଢ଼ାଉ ଆଞ୍ଜୁଳି

...........ଚମ୍ପାକଳି ଆଜି ତୁ ଲୋ ଗଲୁଣି ବଦଳି ! ୧ !

ଦୋଷ ନାହିଁ ଦୋଷୀ ମତେ ରଖିଚୁ ସଜେଇ

କେଉଁ ଜନ୍ମ ରାଗ ଥିଲା ଦେଇଚୁ ଶୁଝେଇ

ଭାବିଦେଲେ ଆଖି ଲୁହେ ହେଉଚି ଅଣ୍ଡାଳି

...........ଚମ୍ପାକଳି ଆଜି ତୁ ଲୋ ଗଲୁଣି ବଦଳି ! ୨ !

ପଛ କଥା ଟିକେ ହେଲେ ମନକୁ ପକାଇ

ମତେ କ'ଣ ପାଖେ ନେବୁ ଆଦରେ ଡକାଇ

ରାଣ ପକା ଆଶା ମୋର ହେଉଚି ପହେଳି

...........ଚମ୍ପାକଳି ଆଜି ତୁ ଲୋ ଗଲୁଣି ବଦଳି ! ୩ !