ଚଳଚିତ୍ର

ଏହି ଦୁନିଆରେ   ସମସ୍ତଙ୍କ ପ୍ରିୟ

    ଦୃଶ୍ଯମାନ ଚଳଚିତ୍ର

କେତେ ରଙ୍ଗ ରୂପ   ବେଶ ବି ଅନେକ

    ଭିନ୍ନ ଭିନ୍ନର ଚରିତ୍ର ।

ସୁଖ ଦୁଃଖ ଭରା   ନୟନ ପସରା

    ଦୃଶ୍ଯ ଅଟଇ ବିଚିତ୍ର

ନୀରସା ମନକୁ  ସରସତା କରେ

    ଦୁନିଆରେ ଚଳଚିତ୍ର ।

ନୀତି ଅନୀତିର,  ଧର୍ମ ଅଧର୍ମର

    ହୁଏ ଜୟ ପରାଜୟ

ଅଭିନେତା ଅବା   ଅଭିନେତ୍ରୀ ହୋଇ

    କରିଥାନ୍ତି ଅଭିନୟ ।

ସଙ୍ଗୀତ ନୃତ୍ଯ ଓ   କାହାଣୀକୁ ନେଇ

    ଚଳଚିତ୍ର ସୃଷ୍ଟି ହୁଏ

ଭିନ୍ନ ଭିନ୍ନ ସବୁ   ଚରିତ୍ରକୁ ନେଇ

    ଅଭିନୟ କରାଯାଏ ।

ଆଧୁନିକ ଯୁଗ   ଦେଇଛି ସୁଯୋଗ

    ଚଳଚିତ୍ରର ଦର୍ଶନ

ପ୍ରତି ଘରେ ଘରେ   ଟି ଭି ପରଦାରେ

    ହୁଅଇ ମନୋରଞ୍ଜନ ।

ଆଖିରେ ଓଠରେ   ଆଣେ ଲୁହ,ହସ

    କେତେବେଳେ ମନେ ରାଗ

ଭାବପ୍ରବଣ ଓ.  ଉତ୍କଣ୍ଠା ଆବେଗେ

    କରିଥାନ୍ତି ଉପଭୋଗ ।