ଚିଠି

ପ୍ରଥମ ପ୍ରେମର ପ୍ରଥମ ଚିଠି

ଲେଖୁଛୁ ପ୍ରିୟା ତୁମକୁ ଚାହିଁ,

ତମେ ମୋ ମନକୁ ଚୋରେଇ ନେଲ

କେମିତି ଯେ ମୁ ଜାଣି ପାରୁ ନାହିଁ ।

ସେ ଦିନର ସେହି କଲେଜ ପାଖରେ ଦେଖା

ନଇଁ ନଇଁ ଚାଲୁଥିଲ ତମେ ମଥା,

ଦେଖି ତୁମକୁ ଲାଗିଲା ନିଜର

କେମିତି କହିବି ମୋ ମନର ବ୍ୟଥା ।

କ୍ଷଣିକ ପାଇଁ ମୁଁ ସବୁ ଭୁଲିଗଲି

ଶୁଣି ତୁମ ପାଦର ପାଉଁଜି,

ଲାଗିଲା ଯେମିତି ଇଏକି ମୋ

ସ୍ବପ୍ନ ରାଇଜର ରାଜକୁମାରୀ l

ଚାଲିରେ ତୁମ ପଦ୍ମ ଫୁଟୁଥାଏ

ହସରେ ଝରୁଥାଇ ସତେକି ମହୁ,

କୋଇଲିରୁ କଣ୍ଠ ଚୋରେଇ ଆଣିଛ

କଥା କହୁଥିଲ କୁହୁ କୁହୁ l

ଗୋରା ଗୋରା ଗାଲରେ ତୁମର

କଳା କଳା ଜାଇ ଚି଼ହ୍ନ,

ନାଲି ଓଠରେ ନାଲି ଲିବ୍'ଷ୍ଟିକ୍

ଲାଗୁଥାଅ ପୁନେଇଁ ଜହ୍ନ l

ତମ ହରିଣୀ ଆଖିକୁ ମାନୁଥାଏ ପ୍ରିୟା

କଳା କଜଳର ଗାର,

ସ୍ୱର୍ଗର ଅପସରି ଲାଗୁଥିଲ ତୁମେ

ସବୁ ଝିଅଠୁ ଅତି ସୁନ୍ଦର l

ପ୍ରଥମ ଦେଖାରେ ମନ ଦେଇଦେଲି

ଦେଖି ତମ ଗୋରା ବଦନ,

ଜୁଇ, ଜାଇ, ହେନା, ମଳି 

ମହକୁ ଥାଏ ବାସ ଚନ୍ଦନ l 

ପ୍ରଥମ ପ୍ରେମର ପ୍ରଥମ ଚିଠି

ତମ ପାଇଁ ଆଜି ଲେଖିଛି ସାଥି,

ମୋ ମନ ମନ୍ଦିରରେ ଦେବୀ ହେଇ ତୁମେ 

କରିନିଅ ସାତ ଜନମର ସାଥି ।