ଲାଇବ୍ରେରୀ
ପ୍ରୋଫାଇଲ୍
ଚିଠି ସେତ ସ୍ମୃତିର ମ୍ୟୁଜିୟମ
ଚିଠି ସେତ ସ୍ମୃତିର ମ୍ୟୁଜିୟମ
1 min
167
ସତେ କାହିଁ ଚାଲିଗଲା ସେ ଯୁଗ
ଚିଠି ଚିଠି ଡାକ ପକାଉଥିଲା ଡାକଵାଲା
ଘରୁ ସୁନି ଭାଉଜ ଓଢଣୀପକି
ମୁରୁକି ହସଟେ ଦେଇ
ନେଇଯାଏ ଚିଠି
ସୁଦୂରରୁ ଆସିଛି
ସ୍ୱାମୀ ପାଖରୁ
କାହିଁ କେଉଁ କାଳରୁ ଅନେଇ ବସିଥାଏ
ଚିଠିଟେ ପାଇ
ଆଉ ସିଏ ବି ଲେଖି ବସେ
ପ୍ରୀତି ପରସା ଦେଇ ll
କି ଥିଲା ସେ ଉତ୍କଣ୍ଠା
ଲେଖିବାର ଆଉ ପଢ଼ିବାର
ମାଆର ଅପେକ୍ଷା ସ୍ତ୍ରୀର ଅପେକ୍ଷା
ବନ୍ଧୁ ପରିଜନର ଅପେକ୍ଷା ଚିଠିଟେ ପାଇଁ
ସତେ କି ସେ ପରି ରାଇଜର ଚଢେଇ ll
ଆଜି କିନ୍ତୁ ହଜି ଯାଇଛି ସେ ଚିଠି
ଆଉ ସେ ଡାକଵାଲା
ନା ଅଛି ସେ ସାଧବ ବୋହୂର ପ୍ରତୀକ୍ଷା
ନା ଅଛି ମାଆଟେ ପୁଅର ଚିଠିକୁ ଅପେକ୍ଷା
ଆଜି ଗୋଟେ କ୍ଲିକରେ ଚିଠି ଚାଲିଯାଉଛି
କାଶ୍ମୀରରୁ କନ୍ୟାକୁମାରୀ
ଗଙ୍ଗାରୁ ଗୋଦାବରୀ
ଆଜି ଡିଜିଟାଲ ଯୁଗ
ଫେସବୁକର ଯୁଗ ୱାଟସାପ୍ପର ଯୁଗ
ଟୁଇଟର ଇନଷ୍ଟାଗ୍ରାମ ଯୁଗ ହେଇଯାଇଛି
ଆଉ ଚିଠି ମ୍ୟୁଜିୟମରେ ସ୍ମୃତି ହେଇଯାଇଛି ll
