ଚିଠି ମୋର ଟିକି ଚଢେଇ
ଚିଠି ମୋର ଟିକି ଚଢେଇ

1 min

732
ଆ ରେ ପକ୍ଷୀ ଆ
ମୋ ଚିଠି ନେଇ ଯା
ଦୂର ରାଇଜେ ଉଡ଼ି ଯା ପକ୍ଷୀ
ମୋ କଥା ମାନି ଯା ।
ଗୋଲାପି ଚିଠି ଚଞ୍ଚୁର ଗୁନ୍ଥି
ଉଡେଇ ଦେଲି ଡେଣା
ଝଡ ଆସୁ କି ବରଷା ଆସୁ
ହୁଅନା ବାଟ ବଣା
ଆ ରେ ପକ୍ଷୀ ଆ
ବାଡି ବଗିଚା ଫଳ ଆଣିଛି
ଖାଇବୁ ମିଠା ଖଟା
ସ୍ନେହ ଗଣ୍ଠିଲି ପ୍ରିୟଙ୍କୁ ଦେଇ
କହିବୁ ଥରେ ଫିଟା ।
ଆ ରେ ପକ୍ଷୀ ଆ
ପୂରବ କାନ୍ମେ ସୂରଜ ଉଇଁ
ଉଜ୍ଜ୍ବଳ କଲେ ଧରା
କଅଁଳ ଖରା ବିଛେଇ ଦେଇ
ବାଟ ଦିଶିଲା ତୋରା ।
ଆ ରେ ପକ୍ଷୀ ଆ
ତୋ ପଥ ଚାହିଁ ବସିବି ମୁହିଁ
ଦେବୁ ରେ ଶୁଭ ବାର୍ତ୍ତା
କେବେ ଆସିବେ କହିବୁ ମୋତେ
ମୁନା କୁନାର ପିତା ।
ଆ ରେ ପକ୍ଷୀ ଆ