ଛୁଙ୍କ

ଅବାଗିଆ କହୁଛନ୍ତି ବାଗିଆ ଗୋସାଇଁ- 

ଭାଇ! ପରିବାର ହାଲଚାଲ ସବୁ କ'ଣ ?

 ଆଜିକାଲି ବଢୁଛି ଯେମନ୍ତ ଭାଉ 

ଭୋଅଟ ପୁରୁଣା ତୁମ୍ଭେ 

ଛାଡ ସବୁ ମରହଟି ଗୁଣ,

ଛୁଙ୍କ ମୋର ମସଲା ଗରମ

ଯଦି ପାର ପାଗ କଷିନିଅ ।

ବାଗିଆ ନନା କହନ୍ତି ଶୁଣ ଅବାଗିଆ,

ଯେତେ ବେଶୀ ପଢ ପାଠ

ବଦଳେନି କ ଖ ଅ ଆ

ବଦଳେନି ମାଟି ପାଣି ପବନ ଆକାଶ

ବଦଳେନି ମାତୃଭାଷା

ନିଜ ବାପ ମାଆ ।

ଯାହାକୁ ପୁରୁଣା ଭାବ

ସରିଗଲେ ବାହାଘର ବେଦୀ ମୁହଁ ପୋଡ଼,

ଜୀବନର ମୂଳାଧାର

ପୁରୁଣା ପୁରାଣ ଜ୍ଞାନ

ଜୀବନର ମୂଳମନ୍ତ୍ର ପ୍ରଣବ ଓଁକାର,

ଚଳୁଅଛି ଚଳୁଥିବା ଯାଏଁ

ଏହି ନିଃଶ୍ୱାସ ପ୍ରଶ୍ୱାସ,

ଜପୁଅଛୁ ଜପୁଥିବୁ ନିତ୍ୟ,

ଜପିଲେ ବି ଭଲ ଏ ଜଗତ

ପାରୁଛ ତ ଜପ ମଧ୍ୟ ତୁମ୍ଭେ

ହରେକୃଷ୍ଣ ନାମ

ରାମ ରାମ ।