ଛୁଇଁଲେ ମୌସୁମୀ

ଛୁଇଁଲେ ମୌସୁମୀ   ପହିଲି ବରଷା

    ସ୍ବର୍ଗ ସୁଖ ପଡେ ଝରି

ଝୁଲେ ଗଛଡାଳେ  ରଜ ପଟାଦୋଳି 

    ନାଚଇ ମନ ମୟୂରୀ ।

ତଳକୁ ଉପର   ଦୋଳିର ଝୁଲଣ

    ମନଫୁଲା ରଜଗୀତ

ବାସେ ପୋଡ଼ପିଠା  ପାଚିଲା ପଣସ

    ରଜଦୋଳି କଟମଟ ।

ମୋ ଗାଆଁର ଝିଅ   ହୁଏ ସଜବାଜ

     ଶାଗୁଆ ପଣତ ତଳେ

ତା ହସେ ଅମୃତ   ସେନେହ ଶରଧା

    ଝରେ ପ୍ରେମ ଅନାବିଳେ ।

ତା ଆଶା ଭରସା   ସଖା ସହୋଦର

    କାଳିଆ ଠାକୁର ମୋର

ପାଟବସ୍ତ୍ର ପିନ୍ଧି    ହୁଏ ସୁନାବେଶ

    ଝଲକେ ମୁକୁଟ ସ୍ୱର୍ଣ୍ଣ ।

ଅନୁପମ ଆମ   କର୍ମ କୁଶଳତା

    ଲକ୍ଷ୍ୟ ଚଉବର୍ଗ ପ୍ରାପ୍ତି

ଆମ ସୁସ°ସ୍କୃତି   ପରବ ପର୍ବାଣୀ

    ସ୍ୱାଭିମାନୀ ଆମ ଜାତି ।

ଭୁଲିବାନି ଆମ   ଗୈ।ରବ ଉଜ୍ଜ୍ୱଳ

   ଐତିହ୍ୟ ଓ ସୁସ°ସ୍କୃତି

ଆମ ସ୍ବାଭିମାନ   ଜଗତର ନାଥ

    ଜଗନ୍ନାଥ ସବୁକିଛି ।