ଛନ୍ଦମୟ ଏ ଜୀବନ

ଛନ୍ଦମୟ ଏ ଜୀବନ 

ମଶି ରହିଲେ ସାମାଜର ଲୋକଙ୍କ ଭିତରେ 

ଆନନ୍ଦ ମିଳେ ସତ୍ୟ ସୁନ୍ଦର ଶିଶୁର ହସରେ 

ଛନ୍ଦମୟ ଏ ଜୀବନ 

କିଶୋର କିଶୋରୀ ମଧ୍ୟରେ ବାର୍ତ୍ତାଳପରେ  

ପ୍ରେୟସୀର ସପନରେ ଓ ପ୍ରେମିକର ଲଗନରେ.

ଛନ୍ଦମୟ ଏ ଜୀବନ 

ନର ପାଇଁ ନାରୀ ଓ ନାରୀ ପାଇଁ ନରର ପ୍ରୀତିରେ 

ଜୀବନର ପ୍ରତି ଛନ୍ଦେ ରହେ ଯଦି ବାର୍ଦ୍ଧକ୍ୟତାରେ.

ଛନ୍ଦମୟ ଏ ଜୀବନ 

ଅପରାହ୍ନ ପର୍ଯ୍ୟନ୍ତ କଟେ ଯଦି ବାଦ୍ଯର ସୁରତାଳରେ 

ମନରେ ମତିରେ ନିବିଡ଼ ସମ୍ପର୍କର ସେତୁ ବନ୍ଧରେ.

ଛନ୍ଦମୟ ଏ ଜୀବନ 

କେତେବେଳେ ବଜାଏ ବେସୁରା ରାଗିଣୀ 

ସେଥିରେ ମନ ହଜିଯାଏ ସେ ଅକାତ ପାଣି.

ଛନ୍ଦମୟ ଏ ଜୀବନ 

ଜୀବନରେ ଥିବା ପ୍ରତ୍ୟେକ ଅବସ୍ଥା ଓ ମୁହୁର୍ତ୍ତ  

ବିଭିନ୍ନ ଅଲୌକିକ ଓ ଅଦେଖା ଛନ୍ଦରେ ବିରାଜିତ.

ଛନ୍ଦମୟ ଏ ଜୀବନ 

ସୁଖ ଦୁଃଖ ଭରା ସ୍ମୃତି ଭିତରେ 

ନୀରବ ଦ୍ରଷ୍ଟା ସାଜେ ଦେଖି ଆଖିରେ.

ଛନ୍ଦମୟ ଏ ଜୀବନ 

ନିଃଶବ୍ଦରେ ପାଇବ ଶବ୍ଦମୟ ସୁର 

ହୃଦୟ ଅଧୀର ହୁଏ ପାଇ ସେ ମହକର.

ଛନ୍ଦମୟ ଏ ଜୀବନ 

ପ୍ରେମ ସର୍ବଦା ଶାଶ୍ୱତ ଓ ଚିରନ୍ତନ 

ପାଇବନି ତା ସଂଜ୍ଞା କଟିଯିବ ଜୀବନ.

ଛନ୍ଦମୟ ଏ ଜୀବନ 

ପ୍ରେମିକା ପାଇଁ ପ୍ରେମିକ ପାଶେ ଯଦି ଥିବ 

ଶକ୍ତି ଦିଏ ଜୀବନ ସ୍ରୋତକୁ ମରଣ ବି ହାରିଯିବ.

ଛନ୍ଦମୟ ଏ ଜୀବନ 

ଯୁଗେ ଯୁଗେ ମଣିଷର ନିଜ ଅନ୍ତଃସ୍ୱର 

ଯୋଗାଏ ସତ୍ ଜ୍ଞାନ ପ୍ରାଣସ୍ପର୍ଶୀ ଇସ୍ତାହାର.

ଛନ୍ଦମୟ ଏ ଜୀବନ 

ହୃଦୟର ଆବେଗରୁ ସୃଷ୍ଟ ପ୍ରେମର ସମ୍ଭାର 

ତୋଳିଥାଏ ଭାବମୟ ଓ ତନ୍ମୟମୟ ଝଙ୍କାର.