Library
Profile
ଛାଇ ହାଇ
ଛାଇ ହାଇ
ଗଛ ଛାଇ ଦୃଶ୍ୟମାନ ସଦା
ସହଜରେ ଅନୁଭବ
ମଣିଷର ହାଇ ଅଦୃଶ୍ୟ ଆକାରେ
ତଥାପି ଅଛି ପ୍ରଭାବ
ସୁଶିତଳ ଛାଇ ବୃକ୍ଷ ନିମ୍ନ ଦେଶେ
ଅବଶ୍ୟ ହିତ ସମ୍ପ୍ରତି
ସେ ଛାଇ ପ୍ରଭାବ ନୁହେଁ ହିତକାରୀ
ଅନ୍ୟ ଏକ ବୃକ୍ଷ ପ୍ରତି
ଅଦୃଶ୍ୟ ପ୍ରାୟତଃ ପ୍ରଭାବ ପ୍ରକ୍ରିୟା
ଛାଇ ଅଭ୍ୟନ୍ତରରେ
ଛାଇ ମଧ୍ୟେ ଥିବା ଅନ୍ୟ ଗଛ ପ୍ରାୟ
ଉଧାଏ ନାହିଁ ସେଠାରେ
ଗଛ ବୃଦ୍ଧି ପାଇଁ ମୁଖ୍ୟ ଉପାଦାନ
ସୂର୍ଯ୍ୟଙ୍କ କିରଣ ଧାରେ
ମାଟି ପାଣି ଉପଲବ୍ଧ ଥିଲେ ସୁଦ୍ଧା
ଶକ୍ତି, ସୂର୍ଯ୍ୟ କିରଣ ରେ
ଶାପ ଗ୍ରସ୍ତ ସମ ବଞ୍ଚାଇ ନିଜକୁ
ଗଛ ତଳେ ଥିବା ଗଛ
ନିଜର ବିକାଶ ବାଧା ପ୍ରାପ୍ତ ଜାଣି
ଜୀବନକୁ ମଣେ ତୁଚ୍ଛ
ଗଛ ନିମ୍ନ ଭାଗେ ଅନ୍ୟ ଏକ ଗଛ
ବୃଦ୍ଧି ବିହୁନେ ଅଥୟ
ଯେଉଁ ପ୍ରକ୍ରିୟାର ରହିଛି ପ୍ରଭାବ
ଗଛର ହାଇ ପ୍ରତ୍ୟୟ
ସୂର୍ଯ୍ୟଙ୍କ କିରଣ ଆବୋରି ରହିବା
ହାଇ ସମ ସେ' ଗଛର
ଅନ୍ୟ ମଣିଷର ପ୍ରଗତିରେ ବାଧା
ହାଇ ସମ ମଣିଷର&nbs
p;
ଜାତ ହୁଏ ସନ୍ତାପିତ ହୃଦୟରେ
ଯନ୍ତ୍ରଣା ରୂପକ ହାଇ
ଗଛ ଛାଇ ପରି ଅନ୍ୟର ଦୌରାତ୍ମ୍ୟ
ପ୍ରାୟ ପ୍ରତ୍ୟୟ ହୁଅଇ
ଜାଣି ଶୁଣି ଯଦି ବାଧା ସୃଷ୍ଟି ହୁଏ
ଅନ୍ୟର ପ୍ରଗତି ପଥେ
ପ୍ରକାରାନ୍ତେ ଆପେ ଅଶାନ୍ତି ଉଦ୍ରେକ
ବାଧା ପ୍ରାପ୍ତ ବ୍ୟକ୍ତି ଚିତ୍ତେ
ଅନ୍ୟାୟ ଅବା ଅତ୍ୟାଚାର ଧାରେ
ହୃଦୟ ଯେବେ ଅଶାନ୍ତ
ଅନ୍ତରର କୋହ ଦୀର୍ଘଶ୍ୱାସ ରୂପେ
ସହଜେ ପ୍ରତିଫଳିତ
ଛଳନା,ବାହାନା ଅବା ପ୍ରତାରଣା
ଯଦି ହୁଏ କାର୍ଯ୍ୟକାରୀ
ସରଳ ମଣିଷ ହୃଦୟେ ଯନ୍ତ୍ରଣା
ଅନୁମେୟ ସର୍ବୋପରି
ମଣିଷ ମଣିଷ ପ୍ରତି ଈର୍ଷା ଭାବ
ଅବା ଷଡ଼ଯନ୍ତ୍ର ଧାରେ
ସର୍ବନାଶ ଅବା ଭଗ୍ନ ହୃଦୟରୁ
କଷ୍ଟ ପ୍ରତ୍ୟୟ ହାଇରେ
ଛାଇ ଅବା ହାଇ ବାଧକ ହୁଅଇ
ପ୍ରଗତି ,ବିକାଶ ପଥେ
ଗଛ ଛାଇ ସାଥେ ମଣିଷର ହାଇ
ଦୃଷ୍ଟାନ୍ତ ବି ଲୋକମତେ
ଗଛ ତଳେ ଅନ୍ୟ ଗଛ ଧାରେ ଶିକ୍ଷା
ଗ୍ରହଣ ହେଉ ହୃଦରେ
ଅନ୍ୟର ବିକାଶ ପଥରେ ବାଧକ
ନ ହେଉ ହାଇ ଆକାରେ
