ଚବିଶ ଅରର କଥା
ଚବିଶ ଅରର କଥା
ଆମ ତ୍ରିରଙ୍ଗା ଚକ୍ରରେ ଚବିଶଟି ଅର
କିକଥା କହନ୍ତି ଶୁଣଶୁଣ ଭାଇ ମୋର l
ପ୍ରଥମ ପ୍ରତୀକ ଅଟେ ଶୁଦ୍ଧ ପବିତ୍ରତା
ଦ୍ୱିତୀୟ ଭଣି ସୁନ୍ଦର ସ୍ୱାସ୍ଥ୍ୟର ବ୍ୟବସ୍ଥା l
ତୃତୀୟ କହେ ସର୍ବଦା ହୁଅ ଶାନ୍ତିପ୍ରୀୟ
ଚତୁର୍ଥେ କଥା ଉତ୍ସର୍ଗୀ-କୃତର ହୃଦୟ l
ପଞ୍ଚମେ ବଜାଇ ରଖ ସଦା ନୈତିକତା
ସେବାବ୍ରତୀ ହୁଅ ସଦା ଷଷ୍ଠର ଏକଥା l
ସପ୍ତମରେ ବାବୁ ସଦା କ୍ଷମାଶୀଳ ହୁଅ
ଅଷ୍ଟମରେ ପ୍ରେମବହ ହୁଅ ପ୍ରେମମୟ l
ବନ୍ଧୁତାର କଥା କହେ ନବମରେ ଅର
ଭ୍ରାତୃତ୍ୱଭାବରେ ବାନ୍ଧ ଦଶମ ବିଚାର l
ଏକାଦଶ କହେ ଜାତି ଐକ୍ୟ ଅଖଣ୍ଡତା
ଦ୍ୱାଦଶ ଭଣି ସମାଜକଲ୍ୟାଣ ବ୍ୟବସ୍ଥା l
ତ୍ରୟୋଦଶ ଦେଶ,ଦଶ,ଜାତିର ଉନ୍ନତି
ଚତୁର୍ଦ୍ଦଶେ ଆମ ଦେଶ ଶିଳ୍ପର ପ୍ରଗତି l
ପଞ୍ଚଦଶ କହେ ଆମ ଦେଶ ନିରାପତ୍ତା
ଷୋଡଶ ସ୍ଥାପନକର ସତ୍ୟେ ସଦା ଆସ୍ଥା l
ସପ୍ତଦଶ ସମାଜରେ ସାମ୍ୟର ବଖାଣ
ଅଷ୍ଟାଦଶେ ସର୍ବୋତ୍କୃଷ୍ଟ ବିତ୍ତର ଲଗାଣ l
ଉନବିଂଶ ଆସ୍ଥା ରଖ ରାଷ୍ଟ୍ରର ନୀତିରେ
ବିଂଶ ଭଣି ଦୃଷ୍ଟିରଖ ନ୍ୟାୟ ବିଚାରରେ l
ଏକବିଂଶ ଭଣି ସହଯୋଗୀ, ସହଭାଗୀ
ବାଇଶି କର୍ତ୍ତବ୍ୟେ ସଦା ହୁଅ ଅନୁରାଗୀ l
ତେଇଶି ସାବ୍ୟସ୍ତ ନାଗରିକେ ଅଧିକାର
ଚବିଶ ବିଜ୍ଞାନୀ ହୁଅ ଦେଶବାସୀ ମୋର l
ଅଶୋକଚକ୍ର ତ୍ରିରଙ୍ଗା ମଧ୍ୟେ ବିରାଜଇ
ଚବିଶ ଗୋଟି ଅରର କଥା ଏହି ଭାଇ l